Matematiko
From Wikipedia
Matematiko es la fundamental interfaka instrumento di omna cienco. Ol dividesas aden du precipua klasi, pura ed aplikita matematiko.
La bazo di pura matematiko es l'abstrakta studio di quanteso, e tale inkluzas la cienci di nombro - aritmetiko e lua plu larja realigo algebro - ultre la temi deskriptata kolektive kom geometrio (ex. analizala geometrio, euklidana geometrio, ne-euklidana geometrio, trigonometrio e kelkafoye topologio) e lia extensi, la temi deskriptata kolektive kom analizo (partikulare kalkulo e kelka lateri di analizala geometrio e vektor-analizo). En moderna matematiko, multa ca subjekti traktesas segun la termini di ensemblo-teorio.
Aplikita matematiko koncernas l'apliki di ca abstrakta cienco. Ol es do aparte asociita kun fiziko ed injenior-arto. Specala temi inkluzita es booleana algebro (apliko di ensemblo-teorio a logiko - videz Boole, George); ludo-teorio; informo-teorio; probableso; statistiko; e vektor-analizo.
Matematikisti:
