Kalkulo
From Wikipedia
Kalkulo esas fako di matematiko derivita de l' anciena Greka geometrio, kande Demokrito kalkulis la volumino di piramidi e koni konsiderante li kompozita da tre granda nombro di tre mikra parti. Anke cirkum ta epoko, Euxodo e Arkimedes kalkulis precize l' areo dil cirklo per aproximo kun poligoni.
Ja dum 17ma yar-cento, Cavalieri e Torricelli ampligis l' uzado di l' infinita parti e Descartes e de Fermat uzis l' algebro por trovar l' arei e la tangenti (Aktuale integrala kalkulo e derivado). Fermat e Barrow kredis ke amba kalkuli interrelatas ma til l' arivo di Newton e von Leibniz ne demonstresis ito. Li, separite, demonstris ke tala kalkuli esas inversa e ni hodie konocas ita aserto kom "Fundamentala Teoremo pri kalkulo".
Dum 18ma yar-cento, l' apliki dil kalkulo augmentis ma l' uzo di infinita quanti e la sercho dil geometriala senco produktis multa konfuzeso. Ma ye 19ma yar-cento la bazala teorio dil kalkulo ampligesis e definesis koncepti quale derivajo e integralo qui faciligis l' uzado di kalkulo.