Wikipedia

Frå Wikipedia – det frie oppslagsverket

Wikipedia er eit fritt oppslagsverk skrive på dugnad av brukarane ved hjelp av wiki-programvare. Wikipedia er styrt av Wikimedia Foundation, ein organisasjon som vert driven utan økonomisk vinning som mål. I tillegg til vanleg oppslagsverksinnhald, inneheld Wikipedia informasjon som ein ofte finn i almanakkar og atlas, og nyhende.

[endre] Opphavsrett

All teksten i Wikipedia vert utgjeve under GNU fri dokumentasjonslisens, også kjent som GFDL. Det betyr at det er fritt fram å bruka, redigera, kopiera og redistribuera alt innhald, så lenge ein held seg til retningslinjene i GFDL. Kort fortalt går lisensen ut på at ein må seia klart frå kor innhaldet er henta frå, og gje andre den same retten til å bruka og vidareutvikla innhaldet.

Andre deler av innhaldet, som til dømes bilete laga av kunstnarar som har døydd meir enn 70 år sidan, er det stort sett ingen som har opphavsrett i følge lovane i dei fleste land og vert i slike tilfelle brukt fritt på Wikipedia.

[endre] Dugnadsarbeid

Innhaldet i Wikipedia vert skrive av brukarane. Sidene er med få unntak alltid opne for redigering av både registrerte og anonyme, og ingen artikkel er nokon gong ferdig. Dette har gjeve opphav til mange argument mot Wikipedia, som at artiklane vil bli ufullstendige og lite truverdige.

[endre] Historie

Wikipedia byrja som eit engelskspråkleg prosjekt den 15. januar 2001, og fransk kom raskt etter den 23. mars 2001. Norsk Wikipedia kom til i 2002, og Nynorsk Wikipedia i 2004.

Det har vore gjort mykje arbeid sidan i å gjera Wikipedia fleirspråkleg, og prosjektet har nå meir enn 1 400 000 artiklar på engelsk og meir enn 5 millionar til saman (september 2006).

[endre] Milepælar

15. januar 2001: Wikipedia på engelsk vart grunnlagt.
20. september 2004: Wikipedia nådde totalt 1 000 000 artiklar fordelt på meir enn 100 språk [1]
12. oktober 2004: Me gratulerer bokmålswikipediaen med artikkel nummer 10 000!
27. oktober 2004: Nynorsk wikipedia fekk sin 1000. artikkel, Sauda, og var dermed med blant dei 52 wikipediaene som til då hadde minst 1000 artiklar.
17. november 2004: Svenska wikipedia passerte 50 000 artiklar.
18. mars 2005: Wikipedia på engelsk har passert 500 000 artiklar!
6. april 2005: Nynorsk Wikipedia passerte 5 000 artiklar.
27. april 2005: fi:Finsk Wikipedia passerte 20 000 artiklar med artikkelen Feeniks.
14. mai 2005: Bokmålswikipediaen passerte 25 000 artiklar.
9. juni 2005: Dansk Wikipedia passerte 25 000 artiklar.
11. juli 2005: Wikipedia passerer 2 000 000 artiklar, alle språka sett under eitt.
7. august 2005: Nynorsk Wikipedia passerte 10 000 artiklar med eit stykke om Edvard Langset.
27. august 2005: Svensk Wikipedia passerte 100 000 artiklar.
6. februar 2006: Bokmålswikipediaen passerte 50 000 artiklar.
21. februar 2006: Den finske wikipediaen passerte 50 000 artiklar.
1. mars 2006: Wikipedia på engelsk passerte 1 000 000 artiklar.

[endre] Utgjevaransvar

Stiftinga Wikimedia Foundation eig tenarane, domenenamnet og utsjånaden til wikipediasidene. Stiftinga har utgjevaransvaret for Wikipedia, og følgjer lovene til delstaten Florida. Jimmy Wales, initiativtakaren til Wikipedia, er formann i stiftinga.

[endre] Sjå òg

[endre] På Verdsveven

Jimmy Wales – kort artikkel om Wikipedia i magasinet Time (engelsk)
It's a Wiki, Wiki World – lengre artikkel om Wikipedia i magasinet Time (engelsk)
Artikkel om Wikipedia i magasinet Nature (engelsk)
Wikipedia fan

Henta frå «http://nn.wikipedia.org../../../w/i/k/Wikipedia.html»

Kategoriar: Wikipedia