Вікіпэдыя

Зьвесткі зь Вікіпэдыі — вольнай энцыкляпэдыі.

Гэта — накід артыкула. Вы можаце дапамагчы Вікіпэдыі, напісаўшы яго, для гэтага націсьніце спасылку «Рэдагаваць».

Лягатып Вікіпэдыі

Вікіпэ́дыя — шматмоўная, Інтэрнэтная, вольная энцыкляпэдыя якая ствараецца ў супрацоўніцтве ахвотнікаў і каардынуецца непрыбытковай арганізацыяй Фондам Вікімэдыі, якая знаходзіцца ў Санкт Пецярбургу, Фларыда. Вікіпэдыя мае каля 200 энцыкляпэдый у розных моўных выданьнях (з якіх прыблізна 100 гэта актыўныя выданьні). Дзесяць энцыкляпэдый налічваюць больш чым 50.000 артыкулаў: ангельская, нямецкая, француская, японская, італьянская, польская, швэдзкая, дацкая, партугальская і гішпанская. Паводле лічыльніка Hitwise, на цяперашні момант часу Вікіпэдыя — найбольш папулярная старонка ў Інтэрнэце.

Вікіпэдыя першапачаткова была складовай часткай пісанай экспэртамі Нупэдыі 15 студзеня 2001. Ейная папулярнасьць паступова нарастала, і вынікам гэтага зьявіліся пабочныя праекты, такія як Вікіслоўнік, Вікікнігі, і Вікінавіны. Вікіпэдыя рэдагуецца ахвотнікамі на базе вікі праграмы, а артыкулы могуць рэдагавацца літаральна кожным. Ахвотнікі Вікіпэдыі намагаюцца праводзіць палітыку "нэўтральнага погляду", у якім публікаваныя апініі вядомых людзей, ці іхныя спісаныя погляды падсумоўваюцца без аніякіх спробаў ацэнкі аб'ектыўнае праўды. З прычыны адкрытага характару энцыкляпэдыі, вандалізм і неаб'ектыўнасьць становяць для Вікіпэдыі значную праблему.

Статус Вікіпэдыі як крыніцы інфармацыі доўгі час ставіўся пад сумніў. Энцыкляпэдыю хвалілі за тое, што яна дармова распаўсюджвалася, рэдагавалася, і таму што яна вельмі абшырная; але яе крытыкавалі за несыстэматычнасьць, перавагу згоды над мандатам, і за відавочны брак адказнасьці і аўтарытэтнасьці, у параўнаньні з традыцыйнымі энцыкляпэдыямі. Артыкулы Вікіпэдыі наўсьцяж цытуюцца ў мас-мэдыях і ў акадэмічных асяродзьдзях і зьяўляюцца даступнымі па ліцэнзіі GNU Free Documentation License.

• Wikipedia evolution through time (terms of service)