Xeografía
De Uiquipedia
La Xeografía ye la ciencia que tién por oxetu l'estudiu de la superficie terrestre y la distribución espacial y les rellaciones recíproques de los fenómenos físicos, biolóxicos y sociales que nella tan manifestáos.
Nun xacíu clásicu la Xeografía ye la descripción de la Tierra, pero angüaño amás de describir la Xeografía trata de explicar. Ye la ciencia que agrupa les demás ciencies, tanto ñaturales como sociales, dende la Hestoria hasta les Matemátiques, ya que los campos de estudiu son pervariaos:
- En Xeografía física estúdiase:
-
- Xeomorfoloxía, con métodos de la Xeoloxía, la Litoloxía y la Xeofísica.
-
- Pedoloxía, con métodos de la Edafoloxía y Xeomorfoloxía
-
- Climatoloxía, con métodos de la Meteoroloxía y la Estadística.
-
- Hidroloxía, continental y marina, con métodos de la Xeoloxía, la Oceanografía y la Estadística.
- En Xeografía humana estúdiase:
-
- Xeografía de la población, con métodos de la Demografía, la Socioloxía y les Matemátiques.
-
- Xeografía rural, con métodos de la Agronomía, la Climatoloxía, la Estadística y la Economía.
-
- Xeografía económica que agrupa:
-
-
- Xeografía industrial, con métodos de les Matemátiques y la Economía.
-
-
-
- Xeografía del turismu con métodos de la Economía, les Matemáticas y la Socioloxía.
-
-
- Xeografía urbana, con métodos del Urbanismu, la Socioloxía y les Matemátiques.
Los métodos de la Hestoria aparecen en toes elles, falando incluso de Xeografía cultural, asina como los estadísticos y matemáticos. Tamién utilícense métodos de Astronomía y Topografía pa facer los mapes (Cartografía), asina como la determinación de códigos de signos que ayuden a interpretalos.
Per otru lláu, la Xeografía puede estudiase de forma xeneral o concretada en una zona, rexón o país determináu. Falamos asina de Xeografía xeneral y Xeografía rexonal que ye la que se ocupa de la aplicación de los análisis xeográficos a países concretos.
