Wikipedia

Na Galipedia, a wikipedia en galego.

Wikipedia é unha enciclopedia de contido libre baseada na tecnoloxía wiki, a cal permite a súa edición por calquera usuario dende un navegador web. O feito de que sexa libre aplícase tanto ao seu uso como á súa edición. Wikipedia é multilingüe e é desenvolvida de xeito colaborativo por centos de voluntarios arredor do mundo nos seus respectivos idiomas. Wikipedia é mantida e administrada pola fundación sen fins de lucro Wikimedia. En outubro de 2006, Wikipedia contén na súa versión en idioma inglés máis de 1.450.000 artigos enciclopédicos e entre as 250 linguas nas que hai edicións da wikipedia hai 5.500.000 artigos.

Wikipedia comezou como un proxecto en inglés o 15 de xaneiro de 2001 e aos poucos foron xurdindo proxectos paralelos noutros idiomas.

A Wikipedia en lingua galega (coñecida como Wikipedia en galego ou Galipedia) existe desde marzo de 2003 e, se en xuño de 2004 contaba con aproximadamente 1350 artigos, en maio de 2005 superou os 5.000. O número actual de artigos é de 20,497 (valor que se actualiza automáticamente na versión en liña).

Índice 1 Características esenciais 2 Vandalismo 3 Políticas 4 Persoal 5 Historia 6 Véxase tamén 7 Ligazóns externas

[editar] Características esenciais

Existen tres características esenciais do proxecto Wikipedia, as cales definen conxuntamente a súa función na web:

1. É, ou tenta converterse nunha enciclopedia.
2. É un wiki, polo que, con pequenas excepcións, pode ser editado por cualquera.
3. É de contido aberto e utiliza a licenza GFDL.

[editar] Vandalismo

Un problema constante en Wikipedia é o vandalismo ao que son submetidas as wikipedias. O vandalismo son modificacións tontas ou ofensivas aos artigos da enciclopedia.

Malia a os graves problemas que isto semella presentar a simple vista, o vandalismo en xeral non prospera en Wikipedia. Dado que a maior parte do público de Wikipedia ten boas intencións e por ende os vandalismos son minoritarios nas edicións diarias, as desfeitas rara vez consiguen permanecer por moito tempo sen seren borradas ou revertidas .

A maioría dos vándalos son anónimos, pois Wikipedia permite a edición dos seus artigos sen rexistrarse previamente. Algúns casos extremadamente raros teñen pasado nos que un usuario rexistrado comete actos de vandalismo reiteradas veces. Estes últimos casos adoitan corresponder coa expresión de motivacións ideolóxicas, culturais ou relixiosas que empurran o vándalo a continuar editando e tentar impoñer as súas crenzas.

[editar] Políticas

Os participantes de Wikipedia habitualmente acordan e manteñen un número reducido de políticas básicas.

1. Por mor da diversidade de participantes e ideoloxías, provintes de todas partes do mundo, Wikipedia intenta construír os seus artigos da forma máis englobadora posíbel. O obxectivo non é escribir artigos dende un suposto único punto de vista obxectivo, senón presentar abertamente cada postura sobre un determinado tema.
2. Séguense un número de convencións con respecto ao nomeamento de artigos, optando preferentemente pola versión máis comunmente utilizada na súa respectiva lingua.
3. As discusións acerca do contido e edición dun artigo ocorren nas páxinas de discusión e non sobre o artigo mesmo.
4. Existe un número de temas que resultan excluídos de Wikipedia por non constituír artigos enciclopédicos estritamente falando. Por exemplo, Wikipedia non contén definicións de dicionario (como verbos, adxectivos, etc.).

[editar] Persoal

Na edición da Wikipedia participan miles de persoas en todo o punto que son coñecidas como wikipedistas.

[editar] Historia

Véxase: Historia da Wikipedia.

[editar] Véxase tamén

• Wikimedia
• Wiktionary
• Wikipedia:Copyrights e Licencia de Documentación Libre GNU.

[editar] Ligazóns externas

• Fundación Wikimedia
• MetaWiki:Políticas e discusións técnicas da Wikipedia e os resto dos proxectos da Fundación Wikimedia
• Wikipedia no Open Directory
• WikiCharts: Estatísticas non oficiais dalgunhas wikipedias (aínda non está incluída a Galipedia)
• Bibliografía sobre a Wikipedia
• Wikipedia para móbiles e PDA
• Evolución da wikipedia
• Sitio feito por fans da wikipedia