Wikipedia

vanuit Wikipedia, die vrye ensiklopedie.

Wikipedia is 'n veeltalige "kopielinkse" ensiklopedie ontwerp om deur enigiemand gelees en gewysig te word. Dit berus op samewerkende verandering en onderhoud deur duisende gebruikers deur middel van wiki-sagteware, en word verskaf en ondersteun deur die nie-winsgewende Wikimedia Stigting. Afgesien van tipiese ensiklopedie-inskrywings sluit Wikipedia ook inligting in wat meer algemeen verbind word met almanakke, aardrykskundige woordeboeke en spesialis-tydskrifte, asook dekking van huidige gebeure.

Daar bestaan tans Wikipedia weergawes in 190 tale en daar is ongeveer 16 000 geregistreerde gebruikers wat saamwerk aan die Engelse uitgawe van Wikipedia, wat dit moontlik gemaak het om die ensiklopedie in minder as vier jaar te laat groei tot die wêreld se grootste ensiklopedie, met meer as 'n miljoen artikels (wat steeds groei teen 'n tempo van duisende per dag). As die weergawes in al die tale bymekaar getel word, bevat Wikipedia miljoene artikels.

Wikipedia is een van die gewildste verwysingswerwe op die Web, met ongeveer 80 miljoen besoeke per dag. Wikipedia ontvang lof vanweë die feit dat dit vrylik toeganklik is en 'n wye reeks onderwerpe in diepte dek. Dit is al gekritiseer vir die potensiaal wat dit het om onakkurate inligting te bevat, die gebrek aan gesaghebbendheid teenoor 'n tradisionele ensiklopedie, vir 'n sistematiese vooroordeel en vir gebreke in die meer tradisionele ensiklopedie onderwerpe. Vandalisme is 'n gereelde probleem, hoewel dit oor die algemeen vinnig opgemerk en artikels maklik en gou herstel word.

Inhoud 1 Verwante projekte 1.1 Taaluitgawes 1.2 Susterprojekte 2 Toekennings en nominasies 2.1 2004 3 Eksterne skakels 3.1 Verwante werwe 3.2 Opstelle

[wysig] Verwante projekte

[wysig] Taaluitgawes

Sedert 2004 word Wikipedia in baie tale bedryf. Tientalle taaluitgawes het reeds meer as 10 000 artikels. Van die taaluitgawes met die meeste artikels sluit in:

• Chinees
• Duits
• Engels
• Frans
• Hebreeus
• Italiaans
• Nederlands
• Pools
• Japannees
• Portugees
• Sweeds
• Spaans

Sederdien vergroot verskeie weergawes, met vele tale met meer as honderd duisend artikels. Sien [1] vir die volledige lys, en [2] vir 'n volledige tabel van die aantal artikels in elke taaluitgawe.

[wysig] Susterprojekte

Wikipedia het die volgende susterprojekte:

• WikiWoordeboek (Wiktionary), 'n gratis woordeboek
• WikiBoeke (WikiBooks), 'n gratis handboek
• WikiAanhaling (WikiQuote), 'n gratis ensiklopedie van aanhalings
• WikiBron (WikiSource), 'n stoor van brontekste in enige taal wat in die publieke domein of onder die GDFL vrygestel is

Daar is ander projekte verwant aan die konsep, soos Wikitravel.

In Februarie 2002 het meeste deelnemers aan die Spaanse Wikipedia nie saamgestem met die rigting van die projek nie, en weggebreek om die Enciclopedia Libre te vorm.

[wysig] Toekennings en nominasies

[wysig] 2004

In Mei 2004 het Wikipedia twee groot toekennings verwerf: Die eerste was die Golden Nica for Digital Communities, wat deur Prix Ars Electronica toegeken is, tesame met 'n €10 000 vergunning en 'n uitnodiging om 'n toespraak te lewer by die PAE Cyberarts Festival in Oostenryk later daardie jaar. Die tweede was 'n "Beoordeelaars se Webby award" vir "Gemeenskap" [3]. Wikipedia was ook genomineer vir 'n "Best Practices" Webby.

In September 2004 het die Japannese Wikipedia 'n toekenning van die land se grootste Adverteerdersvereniging gewen. Hierdie toekenning, wat gewoonlik aan individue wat 'n groot bydrae tot die Web in Japannees gelewer het, toegeken word, is namens die projek aanvaar deur 'n jarelange bydraer.

[wysig] Eksterne skakels

• Taalneutrale voorblad van Wikipedia
• Afrikaanse uitgawe van Wikipedia
• Wikipedia Frequently Asked Questions

[wysig] Verwante werwe

• Meta-Wikipedia - Beleid-verwante en tegniese bespreking oor Wikipedia en sy susterprojekte; sluit 'n handleiding in oor hoe om 'n eie MediaWiki-werf te begin.
• Webwerf van MediaWiki - die sagteware van Wikipedia
• OpenFacts: Kopieë van Wikipedia-inhoud
• Die Wikipedia Cafeshop
• Argief van Wikipedia-persverklarings
• Wikipedia Trofee-uitstalling

[wysig] Opstelle

• The Free Universal Encyclopedia and Learning Resource deur Richard Stallman (RMS)
• IBM History Flow: Technical experiment on "visualizing dynamic, evolving documents and the interactions of multiple collaborating authors". Gebruik verskeie Wikipedia-artikels as voorbeelde.
• Operation of a Large Scale, General Purpose Wiki Website, November 2002, deur Lars Aronsson, stigter van susning.nu.
• Coase's Penguin deur Yochai Benkler.