Biologio
From Wikipedia
Biologio esas la cienco pri la fenomeni di la vivo e di la diversa vivanta enti, to es, la cienco di planti ed animali, inkluzante homi. Esas esence du branchi di biologio, la studio di animali (zoologio) e la studio di planti (botanio). En singla brancho esas plura tradicionala faki qui koncernas strukturo (anatomio, citologio), developo e funciono (fiziologio, embriologio), heredala genetiko (evoluciono), klasfiko (taxonomio) ed interrelati di organismi kun l'una l'altra e kun sua ambiento (ekologio). Ica faki anke dividesas aden plura specalista feldi quale mikologio, entomologio e herpetologio.
Tamen, la tradicionala divido inter zoologio e botanio ne plus valiesas nam grupi de biocienci developis qui violacas lia limiti, ex. mikrobiologio, bakteriologio, virologio, oceanografio e marala biologio. Esas anke biocienci qui pontizas la lakuno inter la fizikala cienci di kemio, fiziko e geologio, ex. biokemio, biofiziko e paleontologio. Simile esas ti qui relatas homala konduto, ex. psikologio e sociologio.
Biologiala klasifiko
Biologiisti:
