Mozilla Firefox
Vu Wikipedia, der fräier Enzyklopedie.
 Mozilla Firefox |
|
 |
|
| Entwéckler: | Mozilla Foundation |
| Lescht Versioun: | 1.5.0.4 (1. Juni 2006) |
| Betribssystem: | Linux, Mac Os X, Windows |
| Kategorie: | Webbrowser |
| Lizenz: | |
| Websäit: | www.mozilla.com/firefox |
De Mozilla Firefox ass en Open Source Browser fir um Internet ze surfen. De Programm baséiert op Gecko, e Module fir d'generéiere vun enger Internetsäit, op deem och schonns den Netscape Navigator baséiert war.
Inhaltsverzeechnes |
[Änneren] Geschicht
Am Joer 2002 hunn d'Entwéckler vu Mozilla décidéiert och eng verklengert Versioun vum Mozilla-Browser ze programméieren. Am Géigesaz zu dëser, besteet de Firefox just aus engem Browser. Sämtlech aner Fonktionalitéiten, wéi integréiert e-mail Software goufen ewech gelooss.
Fir 2006 ass déi zweet Versioun vun dësem Programm geplangt.
[Änneren] Den 2te Browser-Krich
Nodeems Microsoft mat sengem Internet Explorer sech géint den Netscape Navigator duerchsetze konnt an eng Monopolstellung ageholl huet, gouf dëse Programm praktescht net méi erneiert.
Aner Software, wéi de Mozilla oder Opera, hu lues a lues nei Saachen agefouert. Déi am meeschte bekannten Neierung ass wahrscheinlech tabbed browsing. Während dës alternativ Browseren awer keen nenneswäerte Succés haten, konnt de Firefox selwer, no verschidden Estimatiounen, bis zu 20 Prozent vum Moart anhuelen. An Europa ass de Browser weesentlech méi am Gebrauch wéi an Amerika.
Nom Succès vum Firefox, huet Microsoft och réagéiert. Mat der Versioun 7, intégréiert dem Bill Gates seng Firma endlech all déi Neierungen déi aner Browser schonns zanter laangem ubidden. En plus wierkt déi nei Versioun éischter wéi eng Kopie vum Firefox. Och ass dës nei Versioun net méi op déi selwecht Manéier am Windows integréiert. Doduerch gëtt de ganze System méi sécher.
Wat den Internet Explorer awer wahrscheinlech ni wäert fäerdeg bréngen ass sou séier wéi déi fräiwëlleg vum Mozilla, Sécherheetsproblemer ze flécken. Wou Microsoft generell e puer Deeg brauch fir kritesch Problemer ze behiwwen, dauert dëst bei Mozilla nëmmen e puer Stonnen.
[Änneren] Mozilla Thunderbird
Nom Succés vum Firefox, huet Mozilla och décidéiert en eegestännegen E-mail Client ze offréieren.
