Vèsse
Van Wikipedia
Vèsse (Pisces) zien 'n gróp vaan de gewèrvelde diere, en wel de primitiefste en meenst oontwikkelde. Traditioneel weure ze es ein klasse gezeen, meh die visie is de lèste decennia vervaag. De vèsse zien in 't Paleozoïcum oet de sjedelloze oontstoon, doortot 'ne sjedel um häör heersene greujde. Oet de vèsse zien laoter de amfibieë oontstoon. Alle vèsse zien kaajdbleujeg.
Dèks weure waterdiere die gein vèsse zien meh wel drop liekene ouch vèsse geneump, beveurbild walvèsse.
De oonderverdeiling vaan visse weurt betwis. Um te beginne zien vèsse 'n parafylische klasse: de indeiling weurt neet zuver op basis vaan aofstamming. Dit gelt ouch veur de reptiele. Vèsse zien alle gewèrvelde diere die gein Tetrapoda zien; dat wèlt dös eigelik zègke tot me de tetrapoda es gespecialiseerde vèsse moot zien. Dèks weure ze in twie klasses verdeild:
- Kraakbeinvèsse (Chondrichthyes)
- Beinvèsse (Osteichthyes)
[bewirk] Externe link
Zuug veur 't starebild Vèsse oonder Pisces
