Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Welcome to my user page. You can contact me in any language, but preferably one I understand. The interwikis in the margin can give you a picture, albeit not altogether accurate, of which languages I master to some extent.
I was formerly know as "HaafLimbo". The denotation Limbo is a popular abbrevation of "Limburger" and has nothing to do with limbo dancing. Haaf means "half"
Wèlkóm, de höbs deveur gekoze mien gebrukerspaasj te bekieke. Dit kin iech allein mer waordere!
De höbs op 't memint te make mèt Steinbach, vreuger bekind es HaafLimbo, 'ne gebruker vaan dees Limburgse Wikipedia. Iech zal hei ins get euver miechzelf vertèlle. Alleriers mienen awwe naom: dee höb iech neet veur niks gekoze. Iech bin naomelik geine Limburger, meh iech veul miech toch wel zoe mèt dit land verboonde tot iech miech "Haaf-Limbo" neume dors. Geer moot miech dat mer vergeve, en miech zoe nujeg nöttege advieze geve. Deste ieder bin iech ingebörgerd. Mienen echte naom is trouwes Wouter Steenbeek, meh dat heet hei neet te väöl beteikenis. Daovaan kump ouch miene nuie naom Steinbach. Dees naomsverandering had trouwes niks te make mèt 'n verminderde band mèt Limburg meh alles mèt praktische euverweginge: Iech voont tot iech wel op get mie Wikipedia's dezelfde gebrukersnaom moch höbbe, veur wee miech aonsprik is dat dudeliker. HaafSjeng hej euveregens ouch wel gekind, waant iech veul miech mèt De Stad meenstes zoe verboonde es mèt 't land, en iech sjrief gewuunlik in 't Mestreechs.
Meh mien roots ligke toch ech örges aanders. Iech bin gebore in Dordrech, 'n stad tösse de revere in. V'r praote wel Hollands dao, meh gluif mer tot veer us good kinne verzètte tege de drök oet Rotterdam en evegood tege Noord-Braobant aonligke. Iech höb ouch jaorelaank in Zieland gewoend, en wel in Middelburg. Goot allemaol ins daoheer op verkaansie zouw iech zègke, es g'r dat temeenste nog noets gedoon höb. 't Is al wat Limburg neet is: plat, riek aon water, calvinistisch en huurt uuch dat täölke toch ins aon! Meh ouch dao woen iech neet mie: iech zit noe in Utrei, lèkker in 't midde vaan 't land, boe iech muziekweitesjap studeer. Es die stei diech alledrei niks zègke, daan kiek mer eve bovenaon of volg de link.
Hei op Wikipedia sjrief iech wel ins euver get Limburgs, meh toch meistal euver ander dinger: muziek (dat is jummers mien studie!), taol en dialek, len en bieste veural. Mei eigelik bin iech hei wat ze op 't Hollands neume Manusje-van-alles, es iech dat zoe maag zègke. Mien awwer bijdraoges bevatte wel e stök mie foute es de nuiere, iech verexcuseer miech daoveur en geer maag dat natuurlik koume verbetere. Iech veul miech überhaup mèt Wikipedia verboonde, waant miene verjaördaag is dezelfde es die vaan dit sjoen projek. Geer kint miech ouch op ander Wikipedia's vinde, meh neet euveral es Steinbach: zoe heit iech Caesarion op oonder mie de Ingelse Wikipedia. Wijer kinste diech dat lieske in de marsj links bekieke: dao stoon al mien accounts op ander Wikipedia's in. Iech moot evels wel debij vertèlle tot iech neet al die taole ech spreek.
Nog eve 'n antwoord op de pitsende kwestie wie iech miech dat Limburgs toch höb aongelierd: iech höb miech e beukske gekoch, oet de serie Taal in Stad en Land, wat euver 't Mestreech geit. Denao höb iech mien vocabulair oetgebrejd door Mestreechs te goon leze: Dao is gei dialek in Nederland en Vlaondere wat dèkser opgesjreve is, dus iech had gelegeheid genoog.
En boeveur höb iech dat daan gedoon? Nou gewoen, zoe'n sjoen taol lieste toch neet links ligke? Iech vin 't eigelik gekker tot al die Limburgers es keend Hollands mote liere... ;-)
Teslotte: iech houp tot dit projek diech ancourazjeert veur zelf mèt te doen: kiek mer in 't roond, dao is nog genoog te sjrieve hei, en vas ouch wel get boes diech väöl vaan wèts. Deranzjeer diech neet, este gei Limburgs höbs liere sjrieve daan perbeer 't mer. In eder geval: Väöl plezeer hei!
