Gebroeker:Cicero

Van Wikipedia

Laot e beriech achter op mien euverlikpagina

Hoj, iech bèn Cicero, en iech daon mèt aan dees Limburgse wikipedia saer 2 februari 2005. Ièrsj waor iech veural actief op de Nederlandstalige Wikipedia. Cicero ies natuurlik e pseudoniem; miene echte naam ies Mybeth Lahey. Iech sjtudeer Nederlands en cognitief neuroweitesjappe (specialisatie psycholinguïstiek) in Nijmege, en dao woon iech ouch.

Iech bèn gebore in Heerle op 1 juni 1982 en opgegreujd in Houtem. Iech sjrief hie in 't Valkebergs.

Iech interseer miech veur tale en dialekte, in ièrsjte instantie veur 't Nederlands en 't Limburgs. De lètste tied probeer iech ouch e bietteke Fries te lière (zuug mien babelsjabloon hieneve veur wie iech wiejer mien taalkènnis insjat). Natuurlik interseer iech miech veur taalkunde en psycholinguïstiek en laes iech gaere, veural Nederlandse literatuur; op 't moment zint inkel van mien favoriete sjrieversj Willem Elsschot, Louis Couperus, J.J. Voskuil, Harry Mulisch, Kristien Hemmerechts en Hugo Claus. Iech laes ouch gaere in 't Limburgs. Ander leefhöbberieje van miech zint kunsgesjiedenis en (kèrkelike) architectuur. Ouch 't Roams-Katholicisme ving iech intersant. Mien favoriete leng zint Belsj, Frankriek en Nederland. Iech houwt van muziek; iech sjpeel piano en iech zing in e sjtudentekoar. Op dees Wikipedia sjrief iech sóms euver 'n ónderwerp dat mèt ein van dees interesses te make haet, meh sóms ouch gewoon euver get dat miech invèlt, of get woavan iech ving dat v'r dao ech 'n artikel euver moete höbbe. De lètste tied houwt iech miech ónder andere bezig mèt 't sjrieve van artikele euver data.

Accounts op Wikimedia-projecte

Iech höb accounts op 'n groat aantal wikipedia's, meh op de meiste daon iech neet miè es af en toe 'ne interwiki-link of 'n klein wieziging. Op de meiste van die wikipedia's heisj iech ouch Cicero, behalve es dae naam al in gebruuk waor, dan heisj iech Ciceronl. De kèns ouch ins kieke nao mien gebroekersjpagina op de Nederlandstalige wikipedia, meh dao ies op 't moment neet zoaväöl te zeen. Zuug veur mien gebroekersjpagina's op ander wikipedia's de links ónder "anger tale".

Op nl.wikimedia, 'n wiki woa me 'n vereiniging Wikimedia Nederland ies aan 't opriechte höb iech ouch 'n account: Gebruiker:Cicero.
Ouch op commons, e gezamelik projek veur pleetsjes en ander media van Wikimedia höb iech 'n account. Op mien gebroekersjpagina dao zint mien eigegemaakde foto's te zeen. Iech laaj bienao al mien pleetsjes op op commons, umdat ze dan op alle wikipedia's gebroek kènne were. Op meta:, 'n wiki euver de projekte van de Wikimedia Foundation en de sofware die daoveur gebruuk weurt ies mien gebroekersjpagina hie te vinge.

'n Zuusterprojek van Wikimedia ies Wiktionair (Ingelsj:Wiktionary, Nederlands: WikiWoordenboek), woa me 'n vrie woordebook aan 't make ies. Iech höb accounts op de Nederlandstalige en de Limburgse versie, meh iech daon dao nog neet väöl.

Op de Limburgse en de Nederlandse wikipedia höb iech ouch 'n robotaccount, Gebroeker:CiceRobot en Gebruiker:CiceRobot. Die accounts gebruuk iech um automatisch (via 'n python-script) wieziginge te make, bieveurbeeld 't zètte van interwikilinks, 't corrigere van links nao verdudelikingspagina's, 't oplosse van dubbel redirects en 't vervange van teks (ó.a. sjpelfoute). Op de Limburgse wikipedia haet CiceRobot "botsjtatus", wat wilt zègke dat de bewèrkinge ónder dae gebroekersjnaam neet te zeen zint in de recènte verangeringe. De bot kènt namelik 'ne houp wieziginge in korte tied doon, en zou dan die pagina mèt veranderinge óndudelik make.

Mien links

• /kladblaedsje
• /tes
• /monobook.css
• /redirects
• /kalender

Extern links veur eige gebroek

• kw:Talk:Main Page
• http://cf.hum.uva.nl/natlearn/limburgs/limbalg.html
• http://cf.hum.uva.nl/natlearn/limburgs/adindex.html
• http://www.limburgsedialecten.nl/
• http://www.limburghuis.nl/
• http://www.limburghuis.nl/Interact/menu_wdb.html (AGL woordebook)
• http://www.veldeke.net/
• http://www.kikirpa.be/www2/wwwopac/nl/object.html

---

Es te miech get persoonliks wils zègke, kèns te miech e-maile.