Hordaland fylke

Frå Wikipedia – det frie oppslagsverket



Grunnleggjande opplysninger
Administrasjonssenter:	Bergen
Flatevidd:	15 450 km²
Folkemengd:	445 059 (2004)
Internettside:	www.hordaland.no/
Politikk
Fylkesordførar:	Toril Selsvold Nyborg (KrF) (2003)
Fylkesmann:	Svein Alsaker

Sjå og Avisa Hordaland

Hordaland er ein norsk fylkeskommune, som grensar mot Sogn og Fjordane, Buskerud, Telemark og Rogaland. Bergen er sete for administrasjonen til fylkeskommunen. Bergen by gjekk inn i Hordaland fylke i samband med store kommunesamanslutninger i 1972. Dei tidlegare kommunane Bergen, Arna, Fana, Laksevåg og Åsane vart saman til ein kommune som fekk namnet Bergen. Frå same tid vart det slutt på at Bergen var eige fylke.

[endre] Fylkesvåpen

Symbolet i Hordaland fylkeskommune sitt fylkesmerke (våpen) er to krosslagde økser med ei krone over. Våpenet er laga etter eit segl funne etter Olavsgildet på Onarheim i Tysnes.

[endre] Distrikt

Hordaland fylke vert i mange samanhengar delt opp i innlandsdistrikt og kystdistrikt. Innlandsdistrikt er Hardanger og Voss. Kystdistrikta er Sunnhordland, Nordhordland og Midthordland.

[endre] Namn

Før 1919 var namnet på Hordaland fylke "Søndre Bergenhus amt". Namnet "Hordaland" kjem av folkenamnet Horðar. Horðar er ei avleiing av av det germanske ordet for skog, harud. "Harudane" tyder altså skogfolket. Det norske namnet var hordane. Hordane kom til Vestlandet , og busette seg mest på Bergenshalvøya. Namn som Hordnes, Hordvik og Hordamuseet kjem av folket hordane.

[endre] Anna

Fylkesblomst for Hordaland er kusymre.
Fylkesstein for Hordaland er Koronitt.
Fylkesfugl for Hordaland er Kvitryggspetten.

Bryggen i Bergen står på UNESCO si verdsarvliste for kulturarv

[endre] Sjå òg

Historisk oversyn over kommunar i Hordaland

[endre] Litteratur

Brekke, Nils Georg (red): Kulturhistorisk vegbok Hordaland, Bergen 1993. ISBN 8273260267
Helland-Hansen, William (red): Naturhistorisk vegbok Hordaland, Bergen 2004. ISBN 8273260615