Muziek
Van Wikipedia
Muziek is e woerd woevan de geakseptierde definisies verrïeren mit de tied, plaatsj en kultuur. 't Weurt besjoud as 'n kuns, of vorm van vermaak. Vaak weurt 't gedefinieerd in contras mit roes of sjpraak. Sommige definities van muziek plaatsjen 't explisiet binne ein kultureel conteks doer muzik te definniëre as wat de luuj akseptiere as muzikaal.
'rs Zien simpelweg te väöl definities vaan muziek veur mèt e neutraal antwoord te koume. De definitie versjèlt per cultuur, per tied en zelfs per persoen. Conflicte euver de grenze vaan muziek vinde bevobbild plaots in de conteks vaan avant-gardemuziek, die veur oongesjaolde oere zoe vreemp kin klinke tot ze neet es muzikaal herkind weurt. Ouch in muziek vaan ander culture zien zoe conflicte meugelik, zuug heioonder.
[bewirk] Indeiling muziek
'rs Zien väöl versjèllende indeilinge in gebroek. In essentie zien 'rs twei houfindeilinge: op basis vaan cultuur en op basis vaan bestumming. In 't ierste geval kriegt me 'n verdeiling in West-Europese muziek, Japanse muziek, Indiase muziek ezw., in 't tweide geval weurt muziek ingedeild in volksmuziek, amusemintsmuziek, kunsmuziek en touwgepaste muziek. Die soorte touwpassinge loupe door de versjèllende muziekculture heen: kunsmuziek kin dus klassiek, pop of nog get aanders zien. 't Kin zelfs zien tot ei werk in versjèllende umgevinge tot 'n aander soort touwpassing behuurt: e striekkwartet vaan Mozart in e concertzaal is kunsmuziek, 'tzelfde kwartet in e restaurant is amusemintsmuziek, es achtergroondmuziek in e tv-programma is 't touwgepaste muziek.
Gebroekeliker is 't evels te spreke vaan veer of vief genres, namelik klassieke muziek, popmuziek, jazz, wereldmuziek en soms ouch nog blues. Zoe'n indeiling is wel hendeg westers en deit te weineg rech aon de groete vesjeieheid in muziek vaan ander culture.
