Euro
De Wikipedia, le encyclopedia libere
Le Euro (EUR o €) es le moneta del Union Europee. Le moneta esseva introducite le 1 de januario 1999, quando cessava exister dece-un monetas del paises del Union. Le Euro es le succesor del European Currency Unit ECU. Le notas e monetas ancian, nonobstante, ha continuate a esser valide usque le 1 de januario 2002.
Le Euro se divide in 100 cents. Le documentos official del UE usa le parolas "Euro" e "Cent" sempre in forma singular.
Le valor definitive del monetas que compone le Euro es:
- 13,7603 Chelines austriac (ATS)
- 40,3399 Francos belgic (BEF)
- 1,95583 Marcos german (DEM)
- 166,386 Pesetas espaniol (ESP)
- 5,94573 Marcos finlandese (FIM)
- 6,55957 Francos francese (FRF)
- 0,787564 Punt irlandese (IEP)
- 1936,27 Liras italian (ITL)
- 40,3399 Francos luxemburgese (LUF)
- 2,20371 Florinos hollandese (NLG)
- 200,482 Escudos portugese (PTE)
- 340,750 Drachmas grec (GRD)
Le Regno Unite, Danmark e Svedia non ha adoptate le Euro. In le duo paises scandinave, le populo ha rejectate le euro per referendum.
Le Eurozona es le conjuncto del paises que ha adoptate le moneta, plus Andorra, Monaco, San Marino, e le Vaticano, que ha decidite a usar le Euro. Le tres ultimes emitte Euros proprie con lor facies national. Montenegro e Kosovo in le defuncte Yugoslavia, paises que ha usate le marco german como moneta, tamben ha adoptate le Euro, ma al contrario del altere paises non ha subscribite a arrangiamentos legal con le Union Europee.
Le Euro es administrate per le Systema Europee de Bancas Central (ESCB), composite per le Banca Central Europee (BCE) e le bancas national del paises-membros que ha adoptate le Euro. Le BCE (situate in Frankfurt, Germania) es le unic con autoritate pro disveloppar le politica monetari.
[modificar] Ligamines externe
- Information del Banca Central Europee (multilingue)
- Notas technic super le symbolo del euro (anglese)
