Ewro
Minn Wikipedija, l-enċiklopedija ħielsa.
Euro huwa l-isem tal-Munita Ewropea.
L-ewro (simbolu: €; kodiċi bankarju: EUR), il-flus ta' tnax-il pajjiż ta' l-Unjoni Ewropea: l-Awstrija, il-Belġju, il-Finlandja, Franza, il-Ġermanja, il-Greċja, ir-Repubblika Irlandiża, l-Italja, il-Lussemburgu, l-Olanda, il-Portugall, u Spanja, li flimkien jissejħu l-Ewrożona. Fil-qasam tal-flus l-ewro ġab riforma sinifikattiva fl-Ewropa; bidla li kontinent kien ilu ma jara bħalha minn żmien l-Imperu Ruman. L-ewro mhux biss mekkaniżmu li jipperfezzjona s-Suq Waħdieni Ewropew billi jiffaċilita l-kummerċ ħieles fost il-membri ta' l-Ewrożona, imma hu meqjus, mill-fundaturi tiegħu bħala pass mill-iktar kruċjali fil-proġett ta' l-integrazzjoni politika Ewropea.