Adolf Hitler
vanuit Wikipedia, die vrye ensiklopedie.
Die gebore Oostenryker Adolf Hitler (20 April 1889 - 30 April 1945) was 'n grose Duitse politikus en diktator. Hy was die self-aangestelde Führer van Nazi-Duitsland. Hitler was die leier van die Nazi Party, Kanselier van die Duitse Ryk en was die regeringshoof asook staatshoof. Hy het politieke voordeel getrek uit die ekonomiese krisis, wat Duitsland ná die Eerste Wêreldoorlog beleef het, en het op 'n stadium groot dele van Europa beheer. Sy bedeling was verantwoordelik vir die dood van miljoene en ontelbaar baie se verskuiwing. Hitler, 'n begaafde spreker, word gesien as een van die invloedrykste leiers van die 20ste eeu.
Hitler se pogings tot meer grondgebied, wat begin het met die inname van Pole in 1939 was een van die aanleidende faktore van die Tweede Wêreldoorlog. Die rassebeleid van Hitler-Duitsland, wat miljoene se dood veroorsaak het, word ook aan hom toegeskryf. Op 30 April 1945 pleeg Hitler selfmoord saam met sy vrou Eva Braun, met wie hy net kort tevore getrou het.
[wysig] Sien ook
- Joodse volksmoord
[wysig] Eksterne skakels
- Mondo Politico biblioteek se aanbieding van Adolf Hitler se boek, Mein Kampf (volle teks, geformatteer vir lees op 'n skerm)
Persoondata | |
---|---|
NAAM | Hitler, Adolf |
ALTERNATIEWE NAME | |
KORT BESKRYWING | Führer van die Nasionaal Sosialistiese Duitse Werkersparty; Rykskanselier van Duitsland |
GEBOORTEDATUM | 20 April, 1889 |
GEBOORTEPLEK | Braunau am Inn, Oostenryk |
STERFDATUM | 30 April 1945 |
STERFPLEK | Berlyn, Duitsland |