Adolf Hitler
From Wikipedia
Adolf Hitler (* 20. avrigl 1889 a Braunau agl En (Austria), † 30. avrigl 1945 a Berlina entras suizid) era a partir da 1921 schef da partida da la NSDAP, a partir da 1933 chancelier da l'imperi ed a partir dal 1934 sco "menader (Führer) e chancelier da l'imperi" el medem temp schef da la regenza e schef da stadi dal imperi tudestg.
El ha stabilì en Germania la dictatura naziunalsocialistica "il terz imperi" (das dritte Reich), ha scumandà tut las partidas d'opposiziun e persequità adversaris politics. Hitler ha chaschunà la secunda guerra mundiala ed ha practitgà la privaziun dals dretgs ed il mazzament dals Gedius europeics sco era dad autras gruppas religiusas, etnicas e scocialas. Sco consequenza da sia politica èn morts èn l'Europa tranter 30 e 35 milliuns carstgauns, tranter quels ca. 6 milliuns gedieus. La Germania e l'europa èn vegnids destruidas per gronda part e separadas tranter territori communistic (en l'ost da la Germania)e chapitalistic (en il vest da la Germania).
[editar] Biografia
Quasi tut las biografias da Hitler inditgeschan l'enorma discrepanza tranter l'emprima e la secunda part da sia vita. Enfin a ses 30. onn da naschentscha era el ina existenza disditga, misurà a las aspectativas burgaisas da ses temp. Senza scolaziun militara, senza lioms da num, suenter la guerra mundiala era sco schuldà senza perspectivas ed oravantut senza qualitads remartgablas che pudessan declerar plausiblamein sia carriera sequenta. Malgrà tut sa s'auza quest um en paucs onns al chancelier german e pli tard al regent dictatoric sur grondas parts da l'europa. Hitler ha manifestà in effect destructiv sco mo paucs avant ni suenter el. La dumonda davart la discrepanza tutga il problem central che sa tschenta en connex cun la persuna historica Adolf Hitler. Co ha in uman cun talas qualitads ed ina tala previta pudì avair in tal effect?
Ils emprims onns
Da sia provegnentscha e sia vita avant la politica ha Hitler adina fatg in secret. "Els n'astgan betg savair", ha el detg 1930 sur da ses adversaris politics, "da nua che jau deriv e da tge famiglia jau sun".(Citat tenor Krockow). Döllersheim e Strones, las vischnancas da naschentscha da ses geniturs, ha el laschà evacuar e destruir il 1938 gist suenter l'attatg da l'Austria a la Germania, per stabilir in plaz d'exercizi per truppas (Allensteig). Krockow, Kershaw ed auters biografs da Hitler supponan ch'ils motivs èn da tschertgar en la derivanza nunscleridà e betg libra dad incest dad Adolf Hitler.
Derivanza
La famiglia da Hitler derivava dal quartier d'uaul da l'Austria bassa al cunfin cun la Boemia. La moda da scriver, che variava anc en il 19.tschentaner tranter 'Hüttler', Hiedler e Hitler. Il dictatur posteriur è naschì en la citad da cunfin Braunau agl En en l'Austria auta sco quart da ses uffants dal duanier Alois Hitler e da sia terza dunna - ina nezza tras maridaglia - Klara naschida Pölzl. Da lur ses uffants arrivan mo Adolf e sia sora Paula la vegliadetgna da creschids. Alois Hitler aveva latiers anc in figl ordvart la maridaglia (Alois junior) e la figlia Angela da sia secunda dunna. En il cudesch "Mein Kampf" descriva Hitler il bab sco strentg ed autoritar, per part er vilentà e violent.
Igl è dentant dispitaivel schebain l'educaziun da Hitler è stada pli strentga che usità da quel temp. Cumprovas perquai mancan. Alois Hitler, il bab dad Adolf Hiter, è naschi ordvart la maridaglia da la fantschella da purs Anna Maria Schicklgruber. Pir cun 40 onns e suenter la mort da sia mamma e da ses supponì bab Johann Georg Hiedler, in lavurant da mulin, ha Alois Hitler surprì il num Hitler. Ses aug Nepomuk ha dà tar in notar l'engirment che Johann Georg, pli tard il consort da Anna Maria, era il bab dad Alois. Quel sez dentant ha mai accepta a ses figliaster Alois sco ses figl. Hitler na saveva pia betg cun ultima segirtad tgi che ses tat era. Questa relaziun è evidentamain vegnida brisanta per il propagandist dad ina ideologia rassista, cura ch'el è vegni pli e pli enconuschent all'entschatta dals onns 1920. Adversaris politics da Hitler han adina puspé empruva a cumprovar ch'il menader da la NSDAP antisemita ed extremamain naziunalista aveva sez perdavants gedius ni tschecs. Tenor pli novas enconuschentschas è quai pauc probabel, ma per Hitler motiv avunda da zuppar via sia derivanza.
Uffanza
Pervia da sia professiun ha Alois Hitler midà savens chasa cun sia famiglia. Da Braunau a Passau, pli tard a Lambach ed a Leonding sper Linz. En las diversas scolas popularas era Hitler in bun scolar, a la scola reala a Linz disgescha el complettamain. Gia l'emprim onn 1900/1901 sto el repeter e ses scolasts al han attribui mancanza da motivaziun d'emprender. Hitler ha pli tard preschentà quel temp sco ina sort "cauma d'emprender" encunter il bab che al vuleva manar ad ina cariera da funcziunari. Hitler perencunter vuleva daventar dissegnader d'art. A questa presentaziun e uschelunsch insatge vair che Hitler ha sia entira vita gì l'impressiun dad esser in artist nunenconuschì, sviava lavur regulada ed egocentrissem era ina da sias pli fermas caracteristicas. Encunter la "cauma d'emprender" tschantscha dentant ch'il bab da Hitler è mort ils 3 da schaner 1903 cun 65 onn. Il squitsch da l'educaziun ha pia lascha suenter tier il giuvenot da tredesch onns, senza che las prestaziuns en scola daventien meglieras. Hitler banduna la scola cun 16 onns senza terminaziun. Dapli ch'ina savida superficiala da diversas funtaunas elegidas senza distincziun ha Hitler mai acquistà.
Ils onns a Vienna e Minca
A partir dal 1905 pudeva Hitler viver grazia a sia renta da mez-orfan e cun sustegniment da sia mamma ina existenza bohème nunliada. Suenter ch'el è vegni refusa 1907 e 1908 muort mancanza da talent da l'academia d'art a Vienna, ha el betg pli mussà sforzs per retschaiver ina occupaziun u almain emprender ina professiun. Ils 21 da december mora sia mamma da cancer dal pèz. Divers als raquints comuentonts suggereschan viveva Hitler all'entschatta detg bain da sia renta d'orfan. Siu gudogn, agrondì cun la vendita da maletgs e cartas, surpassava quel dad in scolast primar giuven. L'onn 1909, cun 20 onns, va Hitler a Vienna. La vegn el contact cun las scartiras pseudoscientificas e neoreligiusas dal ideolog da rassas ed antisemit Jörg Lanz von Liebfels. Era las polemicas antisemitas da politichers sco il menader da la "alldeutsche Bewegung" Georg Ritter von Schönerer ed il burgamester da Vienna dr. Karl Lueger ha el percepi. Sia imaginaziun d'ina rassa signurila arica predominanta ha el probablamain sviluppa en quest temp, ses idols en dentant restads nunnumnads. Pli ferm che per politica s'ha Hitler occupa tenor ses ami August Kubizek cun operas, en spezial cun quellas da Richard Wagner. Suenter la secunda refusada entras la suprastanza da l'academia d'art Andreas Walder e Raphael de Rose, haveva Hitler pli e pli problems finanzials. 1909 sa tschenta el en l'asil per persunas senza tetg ed entschatta 1910 en il "Männerheim". Sco pictur da las bellezzas da Vienna gudogna el mudestamain. Cunquai ch'el sez era plitost schenà ha ses conhabitont Reinhold Hanisch surprendì la vendita. Suenter ch'el haveva il sentiment dad esser vegni inganà da Hanisch surdat el la vendita da ses maletgs ad in conhabitant gediu. Perquai è i dispitaivel schebain l'antisemitissem da Hitler era gia accentuà aschi ferm da quel temp sco che Hitler fa crair en ses cudesch "Mein Kampf". Reinhold Hanisch, che ha pli tard scrit in cudesch dals giuvens onns da Hitler, ü vegni mazzà ca. 30 onns pli tard en il champ da concetraziun Buchenwald. Suenter che Hitler ha survegni paja ora l'arta da ses bab 1913, ha el fatg midada da Vienna a Minca. En "Mein Kampf" scriva el pli tard ch'el haja gì desideri per ina citad germana. A Minca scuvrescha el sia fascinaziun per l'architectura e legia las scartiras dal autur rassistic Houston Stewart Chamberlain. La midada haveva era l'intent da untgir il servetsch militar. Sch'igl è vair che sia moda da pensar naziunal-tudestga è sia antipatia per il stadi multipopular dall'Austria e l'Ungheria ha giugà ina rolla, sche fiss la midada stat ina emprima decisiun politica vesaivla da Hitler. Che Hitler na leva betg en emprima lingia ungtir il servetsch militar sa mussa 1914: cura che l'emprima guerra mundiala cumenza, s'annunzia Hitler immediat sco voluntari.
En l'emprima guerra mundiala
Sco appuntà dal 16.regiment d'infanteria da reserva baiuvar "List" passenta Hitler quasi l'entira guerra mundiala alla front dil vest sco annunziader. El entra ils 16 d'uost 1914 en l'armada e vegn undra il december da quel onn cun la crusch da fier da secunda classa. En la Frantscha dal nord vegn Hitler blessà l'onn 1916 ad ina chomma. Pir l'entschatta da mars 1917 vegn Hitler puspé a la front. 1918 vegn el undrà cun la crusch da fier d'emprima classa. Hitler valeva sco schuldà correct che era dentant plitost malvis tar ses collegas pervia da sia tenuta nuncritica envers ils offiziers. "Stimar il superiur, cuntradir a negin, sa suttanetter cun egls serrads" aschia ha el sez numnà sia tenuta en quel temp en il process da putschists 1924. Sia rolla dad outsider vegn confermada entras la constataziun dad in camerad da regiment, che il prim biograf contemporan da Hitler Konrad Heiden citescha: "Nus tuts sdiavlavan sin el e quitavan insupportabel dad avair in corv alv denter nus". Ils 15. d'october 1918, pia curt avant la fin da la guerra, vegn Hitler ospitalità en il lazaret da la citad prepomaraniana Pasewalk suenter ina attatga da gas. La tschoccadad temporana, per la quala el è vegnì tgirà, ha el pli tard manà anavos sin ina blessura dals egls durant l'attatga da gas. Perscrutaziuns pli novas, che sa basan sin datas dal lazaret permettan dentant er la conclusiun, che la tschoccadad era pir ina reacziun da schoc tardiva e histerica sin la terrada da la Germania. En mintga cass è Hitler vegnì tgira dad in medi militaric per psicatria che l'ha classifitgà sco psicopat che è dal tuttafatg nunadattà per qualitads da menader. Sumegliant s'ha era il cumandant dal regiment s'exprimì gia durant la guerra, che vegn cità da Heiden cun ils pleds: "Quest histericher na fatsch jau mai al sutofficier!". I n'era pia betg mo la naziunalitad austriaca ch'era responsabla che Hitler n'è mai vegni sur il rang d'in appuntà, malgrà sias blessuras, sias cruschs da fier d'omaduas classas ed autras undradas. Tuttina numnà Sebastian Haffner l'experientscha da Hitler a la front sia unica "aventura da scolaziun" , cunquai ch'el ha pli tard en sia vita tuttavia chapì insatge da dumondas militaricas.
Avanzament da Hitler
Entschattas politicas
Pli tard ha Hitler pretendì che l'indignaziun davart la sperdita da la guerra e dal tradiment dals "Novemberverbrecher" haja lascha madirar en el la decisiun da daventar politicher. Era quest astga vegnir dubità, en fatscha a la tenuta nunclara tar ils eveniments dal temp che Hitler ha laschà vesair. Dad ambiziuns politicas e nagut da remartgar en il temp curt suenter la guerra. El è turnà en la chaserna da ses regiment a Minca ed ha a l'entschatta mo mussa la finamira da betg esser relaschà. Hitler sa lascha eleger pliras jadas ad ina persuna da fidanza da ses regiment ed era uschia ina sort um da colliaziun tranter la regenza da cussegls revoluzionara dal president dals minister baiuvar socialistic Kurt Eisner. Durant ils scumbigls suenter sia mort ha Hitler betg pri partida per la republica da cussegls u - sco ch'ins havess pudì spetgar concernent sia tenuta politica pli tarda - per ils adversaris, il corp liber cun tenuta anti-democratica e pil pli numnads "populars". El para dad s'avair tegni precautamain davos las culissas. Ina fotografia da quel temp mussa Hitler schizunt en il til da bara per il gediu Eisner assasinà. Era quest vegn vis da certs istorichers sco cumprova che Hitler la tenuta politica da Hitler na pudeva betg esser uschi furmada, sco ch'el ha descrit sis onns pli tard en "Mein Kampf". Nach der blutigen Niederwerfung der Räterepublik ließ Hitler sich von der Münchener Reichswehrverwaltung anwerben, die damals den entscheidenden Machtfaktor in Bayern darstellte. Es gibt Hinweise darauf, dass er sich das Wohlwollen der neuen Machthaber erkaufte, indem er Regimentskameraden verriet, die sich auf Seiten der Räteregierung engagiert hatten. Die entscheidenden Männer der so genannten schwarzen Reichswehr – z.B. der Hauptmann Ernst Röhm – scheinen in dem Gefreiten Hitler bald einen potenziellen Agitator gesehen zu haben, mit dessen Hilfe sich nationalistische Ideen unter Arbeitern verbreiten ließen. Seine Vorgesetzten schickten Hitler zu Schulungen für Propaganda-Redner und beauftragten ihn damit, politische Parteien und Zirkel zu bespitzeln, die im nachrevolutionären München wie Pilze aus dem Boden schossen.
Suenter la terrada sanguinusa da la republica da cussegls ha Hitler lascha s'engaschar da l'administraziun da la "Reichswehr", che era da quel temp il factur decident da la pussonza en la Baviera. I dat indizis che Hitler ha cumprà la bainvuglientscha dals novs pussents cun tradir camerads da regiment ch'eran s'engaschads da la vart da la republica da cussegls. Ils umens pussents en la schinumnada "Reichswehr naira" - p.ex. il chapitani Ernst Röhm - paran dad avair vis en Hitler in pussaivel agitatur. Cun ses agid pudevan els derasar odeas naziunalisticas tranter ils luvrers. Ses superiurs han tarmess a Hitler a scolaziuns per referents da propaganda ed han dà ad el il pensum da spinaur ora partidas e circuls politics, che sa fundavan en il Minca postrevoluziunar sco bulieus ord la tiara.
