Zeist
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Zeist (in Limburgse moond wel Zeis) in 'n stad en gemeinte in de Nederlandse provincie Utrei, t'n ooste vaan de stad Utrei, zjus te weste vaan d'n Utreisen Heuvelrögk. De gemeinte heet 'n oppervlekde vaan 48,65 km2 en per 1 juni 2005 'n bevolking vaan 60.311 inwuners. Ander kerne zien Austerlitz, Bosch en Duin, Den Dolder en Huis ter Heide.
[bewirk] Stadsfuncties
Mèt 't groet Utrei en 't middelgroet Amersfoort kortbij is Zeist neet mier es e tertair verzörgingscintrum. Door zien combinatie vaan 'n cintraol ligking en relatief lendelike rös evels is Zeist 'n geleefde plaots veur conferenties. Ouch heet de gemeinte e militair kampemint en 'n gevaangenis, en zien de KNVB en de Rieksdeens veur de Monumintezörg dao gevesteg.
[bewirk] Stadsbild
Zeist is laank e dörp geblaove en 't cintrum is daan ouch lendelik vaan karakter. 't Raodhoes in neo-renaissancestiel is 't veurnaomste bouwwerk in 't cintrum. Mie vaan belaang zien evels de boetehoezer, woevaan 't laat-zeventiende-iews imposant Slot Zeist 't bekinds is. De gemeinte is ruum opgezat.
[bewirk] Historie
In 838 weurt 't dörp Seist veur 't iers geneump. In de iewe denao oontwikkelt 't ziech laanksem es agrarisch cintrum, dewijl in de late Middeliewe ouch e paar ridderhofstei gevesteg weure. Vaanaof de late zeventiende iew woort Zeist veur Utrei wat Wassenaer veur Leie waor en Rijswiek veur D'n Haog: ummer mie rieke lui begóste ziech hei te vestege, wat tot aon 1900 rizzelteerde in e groet aontal landhoezer. Sommege daovaan zien inmiddels aofgebroke. In de twiede helf vaan de twintegste iew woort Zeist 'n forenzeplaots.
| Provincie Utrei | |
|---|---|
|
Abcoude | Amersfoort | Baarn | Breukelen | Bunnik | Bunschoten | De Bilt | De Ronde Venen | Eemnes | Houten | IJsselstein | Leusden | Loenen | Lopik | Maarssen | Montfoort | Nieuwegein | Oudewater | Renswoude | Rhenen | Soest | Utrei | Utreise Heuvelrögk | Veenendaal | Vianen | Wijk bij Duurstede | Woerden | Woudenberg | Zeist |
|
