Nieuwegein
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Nieuwegein is 'n gemeinte en stad in de Nederlandse provincie Utrei, mèt op 1 juni 2005 61.332 inwuners. De stad ligk te zuie vaan de stad Utrei en is in de twintegste iew oontstoon es häör veurstad.
Inhawd |
[bewirk] Stadsfuncties
De meiste inwuners wèrke neet in de gemeinte zelf, mer in Utrei. Nieuwegein is daodoor e typisch veurbild vaan 'n slaopstad. Toch vint me ouch hei wel arbeidsplaotse, zoewel in de deenstesector (Plettenburg) als in de industriesector (Laagraven).
Niewegein is mèt 'ne sneltrem mèt Utrei verboonde en ligk aon de snelweeg A2, A12, en A27.
[bewirk] Stadsgeziech
Allewel tot 't veurnaomelik oet nuibouw vaan oet de jaore zeveteg besteit höbbe de aw dörpskèrne gedeiltelik hun dörpgeziechte bewoerd. Ouch vint me nog midde tösse de bebouwing 't Kestiel Oudegein trök.
[bewirk] Historie
Op de plaots woe noe Niewegein ligk laoge iewelaank twie dörper, Jutfaas en Vreeswijk. Wie vaanaof de jaore zesteg vaan de twintegste iew 'nen trend vaan suburbanisatie, verveursteideliking, op geng kaom, zoch me nao locaties woe me dit perces kós oetveure. De Ierste Nota Ruumdelike Ordening woort speciaol veur dit beleid gesjreve. Me besloot 't bouwe vaan groete nui wieke in 't Greun Hart tege te hawwe en de veurstei op zeker plekke te cóncetrere. Oetindelik woort Nieuwegein aongeweze es greujkèrn veur de stad Utrei.
De naom is aofgeleid vaan de aw stad Geyn, die in de veertiende iew verweus woort en tösse Jutphaas en Vreeswijk ingelege had.
[bewirk] Bekinde Nieuwegeiners
- Edward van Cuilenburg, tv-prizzentator
- Spinvis, zenger, popmusicus
- Marianne Weber, volkszengeres
[bewirk] Externe link
| Provincie Utrei | |
|---|---|
|
Abcoude | Amersfoort | Baarn | Breukelen | Bunnik | Bunschoten | De Bilt | De Ronde Venen | Eemnes | Houten | IJsselstein | Leusden | Loenen | Lopik | Maarssen | Montfoort | Nieuwegein | Oudewater | Renswoude | Rhenen | Soest | Utrei | Utreise Heuvelrögk | Veenendaal | Vianen | Wijk bij Duurstede | Woerden | Woudenberg | Zeist |
|
