Amersfoort
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Amersfoort is 'n stad in 't midde vaan Nederland en aon de rand vaan de provincie Utrei. Ze ligk t'n ooste vaan d'n Utreisen Heuvelrögk. Vaan de provincie Utrei is Amersfoort mèt 134.768 inwoeners per 1 januari 2005 de twiede stad. Amersfoort ligk aon de Eem.
Inhawd |
[bewirk] Stadsgeziech
De binnestad kint e groet aontal veural Middelieuwse monuminte. De veurnaomste zien de (losstoonde) Slevrouwetorie, de Joriskèrk en de Koppelpoort, die vaanaof 't spoor nao Apeldoorn en Zwolle good te zeen is.
[bewirk] Historie
De plaots, oontstoon bij 'n doortrèkbare plaots (voord) in de Eem (Amer) weurt voor 't iers geneump in 1028. Vaanwege zien ligking vestegde de bisjop vaan Utrei hei 'nen hoof, en trok arbeiers aon veur de Gelderse Vallei te ontginne. In 1259 kraog de plaots stadsrechte. Laoter in de Middelieuwe kaom de plaots door e mirakel es pèlgrimsstad op, zoetot me in 1444 de Slevrouwekèrk mèt hoegen torie kós bouwe. De kèrk góng laoter verlore, de torie steit nog. Ouch had de stad in de laote Middelieuwe 'n oetzoonderlik groete beerindustrie.
Nao d'n Tachtegjaoregen Oorlog kaom 't gebeed in 'n isolement te ligke, boedoor de stad ummer mie verpauperde, zeker wie in de negentiende ieuw ouch de tabaksteelt aon de Veluwerand instortte. De koms vaan spoorweeg brach dao verandering in: door zien centraal ligking woort Amersfoort 't verkierskundeg hart vaan Nederland. Zoe greujde 't in de twintegste ieuw hel door.
[bewirk] Bekinde Amersfoorters
- Piet Mondriaan, sjèlder
- Johan van Oldenbarneveld, staotsmaan
[bewirk] Externe link
Provincie Utrei | |
---|---|
Abcoude | Amersfoort | Baarn | Breukelen | Bunnik | Bunschoten | De Bilt | De Ronde Venen | Eemnes | Houten | IJsselstein | Leusden | Loenen | Lopik | Maarssen | Montfoort | Nieuwegein | Oudewater | Renswoude | Rhenen | Soest | Utrei | Utreise Heuvelrögk | Veenendaal | Vianen | Wijk bij Duurstede | Woerden | Woudenberg | Zeist |