Oudewater
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Oudewater is e stedsje en 'n gemeinte in 't weste vaan de Nederlandse provincie Utrei. 't Oppervlak bedräög 40,17 km2 (1 km2 water); op 1 januari 2006 had de gemeinte 9.952 inwoeners, verspreid euver de kèrne Oudewater, Snelrewaard, Hekendorp en Papekop. Oudewater heet väöl monuminte en de binnestad is verklaord tot besjirmp stadsgeziech. De bekindste bezeensweerdegheid is de Waog, sins 1595 es heksewaog in gebruuk (me kint ziech nog ummer op heksedóm laote oonderzeuke).
[bewirk] Historie
Oudewater oontstoont in de tiende iew en kraog in 1265 stadsrechte vaan de bisjop vaan Utrei. In 1280 verkraog de graof vaan Holland de stad, die woort oetgebojd tot echte vestingstad. In 1572 vereuverde de Geuze Oudewater, meh drei jaor later naome de Spaanjerds 't weer in; de stad woort gaans platgebraand. Nao in 1577 weer aon de kant vaan de Prins te zien goon stoon blaof 't dao rösteg en oontwikkelde de industrie ziech, veural de touwindustrie (noe nog steit in Oudewater e touwfebrik). In 1964 woort e good deil vaan de gemeinte Hekendorp aon Oudewater touwgevoog; in 1970 volgde ouch Hoenkoop, dewijl tegliek de stad euvergóng vaan de provincie Zuid-Holland nao Utrei.
[bewirk] Gebore in Oudewater
- Gerard David, sjèlder
- Jacobus Arminius, predikant
[bewirk] Externe link
| Provincie Utrei | |
|---|---|
|
Abcoude | Amersfoort | Baarn | Breukelen | Bunnik | Bunschoten | De Bilt | De Ronde Venen | Eemnes | Houten | IJsselstein | Leusden | Loenen | Lopik | Maarssen | Montfoort | Nieuwegein | Oudewater | Renswoude | Rhenen | Soest | Utrei | Utreise Heuvelrögk | Veenendaal | Vianen | Wijk bij Duurstede | Woerden | Woudenberg | Zeist |
|
