D'n Haog
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
D'n Haog (op z'ch Hollands Den Haag of 's-Gravenhage, op z'ch Ingels The Hague, op z'ch Frans La Haye) is de derde stad vaan Nederland gemete in inwoeners, nao Amsterdam en Rotterdam. Ze had op 1 januari 2004 469.059 inwoeners. Daoneve is de stad veural hendig veurnaom es bestuurscentrum: zoewel 't parlemint, de Senaat, de regiering es de Keuningin höbbe dao häör residentie.
Inhawd |
[bewirk] Historie
D'n Haog is in 1248 gestich door d'n Hollandse graof Wöllem II, dee dao in plaats vaan in Dordrech zien residentie vestigde. Ziene zoen, de bekinde Floris V, leet dao de Ridderzaal bouwe, die vaandaog d'n daag nog steit en daobij ouch nog veur plechtighede gebroek weurt. D'n Haog is dös vaanaof z'n stichting al bestuurscentrum.
Allewel D'n Haog in de Middelieuwe noets stadsrechte gekraoge heet - dao-op mós 't wachte tot 1806, oonder Lowie Napoleon - heet 't ziech de ierste drei iewe snel oontwikkeld. In d'n Tachtigjaorigen Oorlog verloor 't evels eve zien welvaart en ouch e groet deil vaan zien bevolking: umtot 't gein walmör had, kóste de Spanjaarde gemekelik brandsjatte en plöndere. Zie vestigde oonder 't beleg vaan Leie hei häör hoofkertier. In de 17e iew greujde 't groetste dörp vaan Nederland good door, neet in 't minste umtot ouch de Republiek vaanoet D'n Haog geleid woort.
In de 19e en 20e iew is D'n Haog allein nog meh weijer gegreujd. Dörper wie Duindorp, Leidschendam en Scheveningen woorte ei veur ein ópgeslok. Door zien strategisch belangrieke ligking aon zie woort D'n Haog in d'n Twieden Wereldoorlog vestingstad.
[bewirk] Bezienswoerdighede
- Binnenhof
- Lange Voorhout
- Panorama Mesdag
[bewirk] Eveneminte
- Haogs bevrijingsfestival
- North Sea Jazz Festival
[bewirk] Bekinde Haogenere
- Anouk Teeuwe, zangeres
- Raymond van Barneveld, pijlkeswerper
- Louis Couperus, sjrijver
- Willem Drees, premier vaan drei kabinette
- Kees van Kooten en Wim de Bie, cabaretiers
- Paul Verhoeven, rezjisseur
[bewirk] Links
Commons: Den Haag – Media gerelateerd aan dit óngerwerp |