De Bósj

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.

Ligking vaan De Bós in Noord-Braobant

De Bós(j) (officieel 's-Hertogenbosch, kortweeg Den Bosch) is de houfstad vaan de Nederlandse provincie Noord-Braobant. Op 1 januari 2005 woende hei 134.005 lui. De Bos is 'n aw vestingstad aon de Maos en waor 'n veurpos vaan de Graove vaan Braobant, vaandaor de naom.

[bewirk] Historie

Sint-Janskathedraol

De Bós is in 1185 gestiech es vestingstad. Es zoe waor 't al vaanaof 't begin 'n echte stad, mèt slotgrach en walmör. Loupende de Middelieuwe woort de stad de veerde vaan 't heertogdom Braobant, nao Brössel, Antwerpe en Leuve. 't Waor 't cintrum vaan de Meierie van De Bosj, die oongevier 't modern Oos-Braobant besloog.

In d'n Tachtegjaoregen Oorlog kaos de stad de kaant vaan Spaanje, zoetot ze mierder kiere belegerd mós weure. In 1629 kaom de stad in 't oonderworpe gebeed Staotsbraobant te ligke: e katteliek gebeed zoonder stum in de Staote-Generaal rechstreiks vaanoet D'n Haog besteurd woort. Dees situatie doorde tot 1795, wie de Franse vazalstaot de Bataafse Rippebliek opgeriech woort.

In de negentiende ieuw bloof de stad (formeel) 'n vestingstad, daorum moogde tot 1877 neet boete de mör gebouwd weure. Dit had euverbevölking en bovegemiddeld väöl epidemieë es gevolg. Daodoor blaof de stad achter in häör oontwikkeling en mós in de regio in de twintegste ieuw Nijmege, Tilburg en Eindhove veur ziech laote.