Vught

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.

Ligking vaan Vught in Noord-Braobant

Vught is e versteidelik dörp en 'n gemeinte in de Nederlandse provincie Noord-Braobant, te zuie vaan De Bos, mèt 'n oppervlak vaan 34,46 km² (daovaan 0,51 km² water) en 'n bevolking vaan 25.244 op 1 januari 2006. Binne de gemeinte Vught ligke ouch 't dörp Cromvoirt en 't gehöchter Bergenshuizen en Loveren.

[bewirk] Gemeintelike functies

Vught is 'n forenzeplaots, in hoeg maote veur welgestelde lui, die es veurstad vaan De Bos functioneert. Binne de gemeintegrenze ligk de bes beveilegde gevaangenis vaan Nederland. De stad heet 'n spoerweegstatie aon de lien De Bos-Eindhove.

[bewirk] Dörpsaonziech

Vught heet väöl nuibouw, meh de dörpskern is redelik bewoerd gebleve. De kèrk steit in originele Kempese gotiek. 't Raodhoes woort in 1901 es villa gebouwd en woort in de jaore daarteg door de gemeinte oonteigend. In de umgeving ligk 't Renaissancekestiel Maurick. Väöl vaan 't gemeinteoppervlak is bebos; in dit bosgebeed ligke e groet aontal villa's. Op de fusilladeplaots vaan 't aw concentratiekamp steit allewijl 'n oorlogsmonumint.

[bewirk] Historie

Vught is 'ne nevevörm vaan "vocht"; de bojem is hei vaanaajds vochtig in verglieking mèt de druug Pieël. In de Roemeinsen tied moot Vught ouch mier es 'n doorsnei nederzètting zien gewees, wie bliek oet 'n vons vaan aw Roemeinse munte in 1961. In de vreug Middeliewe waor de plaots vaan groet regionaol belaank: in 1028 kraog ze muntrech, in 1050 tolrech.

In 1933 woort de gemeinte Cromvoirt aon Vught touwgevoog. In d'n Twiede Wereldoorlog laog in Vught e concentratiekamp; dit woort later es woenplaots veur Molukkers gebruuk.