Federacia lando (Germanio)
El Vikipedio
"Federacia lando" nomiĝas ĉiu membro-ŝtato de Federacia Respubliko Germanio. En la politika lingvuzo oni plej ofte parolas pri "landoj" por akcenti la konstitucie fiksitan aŭtonomion de la federaciaj landoj de Germanio.
La federaciaj landoj en Germanio (Bundesland, pl. Bundesländer) estas politikaj unuoj, kiuj teorie havas ŝtatan karakteron. Ano de federacia lando estas ĉiu germano, kiu havas tie sian oficialan loĝejon minimume ekde tri monatoj. La limoj de tiuj regionaj ŝtatoj estas ŝanĝeblaj nur per plebiscito de la koncernaj enloĝantoj. Ĝis nun nur unu ŝanĝo sukcesis, nome tiu el kiu kreiĝis Baden-Virtembergo en 1952. La planita kunfandiĝo de Berlino kaj Brandenburgio ne ricevis la necesan plimulton en plebiscito (1995).
Inter la federacio kaj la regionaj ŝtatoj ekzistas divido de la taskoj. Ekzemple, nur la federacio okupiĝas pri eksteraj rilatoj, defendo, valuto kaj mezuroj, kaj nur la federaciaj landoj okupiĝas pri lernejoj. Multaj taskoj tamen estas komuna agokampo de ambaŭ. La federaciaj landoj estas reprezentataj en speciala germana organo, la Federacia Konsilio ('Bundesrat'), kiu havas certajn veto-rajtojn pri federaciaj leĝoj. Ĉar laŭ la germana konstitucio ĉiuj germanoj devas havi proksimume samajn vivkondiĉojn en la tuta lando, Germanio estas tre unueca federacia ŝtato (kompare ekzemple al Usono).
Federacia lando havas proprajn ĉefministron, registaron kaj parlamenton, sed ankaŭ konstitucion, flagon kaj ofte ankaŭ himnon.
Listo: Baden-Virtembergo, Bavario, Berlino, Brandenburgio, Bremeno, Hamburgo, Hesio, Malsupra Saksio, Meklenburgo-Antaŭpomerio, Nordrejn-Vestfalio, Rejnlando-Palatinato, Saksio, Saksio-Anhalto, Sarlando, Ŝlesvig-Holstinio kaj Turingio
[redaktu] Mapo
| Lando |
Enloĝantoj
|
Portalo | Ĉefurbo |
| (1) Baden-Virtembergo |
10.694.215
|
(Portalo) | Stuttgart |
| (2) Bavario |
12.401.000
|
(Portalo) | München |
| (3) Berlino |
3.388.477
|
(Portalo) | – |
| (4) Brandenburgio |
2.570.899
|
(Portalo) | Potsdam |
| (5) Bremeno |
663.642
|
(Portalo) | – |
| (6) Hamburgo |
1.733.716
|
(Portalo) | – |
| (7) Hesio |
6.093.000
|
(Portalo) | Wiesbaden |
| (8) Meklenburgo-Antaŭpomerio |
1.735.000
|
(Portalo) | Schwerin |
| (9) Malsupra Saksio |
7.993.415
|
(Portalo) | Hannover |
| (10) Nordrejn-Vestfalio |
18.079.686
|
(Portalo) | Düsseldorf |
| (11) Rejnlando-Palatinato |
4.063.000
|
(Portalo) | Mainz |
| (12) Sarlando |
1.062.754
|
(Portalo) | Saarbrücken |
| (13) Saksio |
4.327.000
|
(Portalo) | Dresden |
| (14) Saksio-Anhalto |
2.535.833
|
(Portalo) | Magdeburg |
| (15) Ŝlesvig-Holstinio |
2.820.000
|
(Portalo) | Kiel |
| (16) Turingio |
2.378.000
|
(Portalo) | Erfurt |
