Malgarantia paĝo
El Vikipedio
Enhavo |
[redaktu] Malgarantio pri korekteco de artikoloj
Tiu ĉi interreta enciklopedio estas verkata de la publiko. Kvankam preskaŭ ĉiu kunlaboranto provas serioze disponigi korektajn informojn, ne eblas tion garantii. Ĉiu kiu kredas esti kompetenta rajtas fari ŝanĝojn je la tekstoj. Ja evidenta eraro ĝenerale sufiĉe rapide de alia kunlaboranto estos rimarkita kaj korektita. Estas tendenco ke artikoloj pliampleksiĝas kaj plikorektiĝas. Ĉar: ju pli da okuloj, des malpli da eraroj.
Estas ĉiukaze konsilinde krom tiu ĉi enciklopedio ankaŭ konsulti aliajn referencverkojn aŭ librojn pri specifa fako. Atentu specife pri informoj kiuj estas verkitaj de pasiitaj ŝatantoj de certaj personoj, libroj, filmoj, ktp. Povas esti troigoj :-)
[redaktu] Ĉu vi rimarkas malkorektaĵon?
Se vi opinias tekstoparton malkorektan, vi rajtas libere ĝin korekti se vi certas. Se vi dubas kaj volas fari rimarkon pri la artikolo, tion vi povas fari en la diskutopaĝo kiun ĉiu artikolo enhavas. Nepre tion faru por helpi en la plibonigo de Vikipedio!
[redaktu] Respondeco
La volontuloj kiuj verkas tiun ĉi enciklopedion (tio estas la publiko, do ankaŭ vi) ne akceptas respondecon pri la korekteco de la donitaj informoj. Ili ne povas garantii ke la aŭtoro estis sufiĉe atentema verkante la artikolojn. Vi rajtas tutlibere uzi la informojn, sed proprariske.
Ekzistas uzantoj (administrantoj) kiuj havas kromajn eblecojn je teknika nivelo. Ili rajtas forigi paĝojn, protekti ilin kaj malebligi al uzanto la verkorajton. Estas eblecoj kiuj la ordinaraj kunlaborantoj ne havas. Tiu ĉi grupo de volontuloj ne estas la retejestroj de Vikipedio, sed vi povas ilin kompari kun domgardistoj de la enciklopedio. Estas plenuma funkcio. La ĉiutagan estradon de la Vikipedio praktike iniciatas la komunumo mem.
Laŭ jura vidpunkto la WikiMedia Foundation estas la sola fina respondeculo. Se laŭ vi estas iu problemo, unue kontaktu administranton de la esperantlingva Vikipedio. Eblas sendi plendo(j)n, en la angla lingvo, al:
WIKIMEDIA FOUNDATION, INC. 204 37th Ave N, #330 St. Petersburg, FL 33704 United States of America
retpoŝto: board ĈE wikimedia.org
[redaktu] Aŭtoraj rajtoj
Ĉiuj tekstoj en Vikipedio estas licenzitaj laŭ la libera GFDL. Se vi mem rimarkas tekston kiu devenas de fonto kun aŭtorrajto, bv. tion sciigi aŭ mem ŝanĝi la tekston.
[redaktu] Aŭtoraj rajtoj de bildoj, fotoj, filmetoj kaj sono
Neteksta materialo ne ĉiam estas libera laŭ GFDL. Povas ekzisti limigo en ĝia uzo. La uzanto de Vikipedio devas pri tio mem atenti. Klakante je la materialo en Vikipedio vi povas ekscii pri la rajtoj. Se ne estas mencioj pri aŭtoraj rajtoj ĉe la materialo, gravas supozi ke tamen ekzistas rajtoj kaj ke la materialo ne rajtas esti uzata.
