Baden-Virtembergo

El Vikipedio

Geografio > Eŭropo > Germanio > Baden-Virtembergo

Federacia Lando
Baden-Virtembergo
Flago

Bazaj informoj
ĉefurbo:	Stuttgart
areo:	35.751 km²
enloĝantoj:	10.718.327 (20053-03)
loĝdenso:	300 loĝantoj/km²
ŝuldoj :	3,504 €/loĝanto (2004)
ŝuldoj entute:	38 Mrd. € (2004)
ISO 3166-2:	`DE-BW`
oficiala retejo:	www.baden-württemberg.de
Politiko
ĉefministro:	Günther Öttinger (CDU) (ekde )
reganta(j) partio(j):	CDU kaj FDP
128 mandatoj en la landa parlamento ekde marto 2001:	CDU 64 SPD 45 FDP 10 Grüne 9
lasta elekto:	26-a de marto 2001
sekva elekto:	26-a de marto 2005
Reprezento en la Federacio Konsilo:	6 voĉoj
Situo en Germanio

Baden-Virtembergo (germane Baden-Württemberg [badn virtmberg]) estas federacia lando de Germanio. Ĝia NPIV-a nomo estas Badenio-Vurtembergo.

Ĝi ampleksas la sudokcidentgermanan terenon inter la Konstanca Lago en la sudo kaj la Majno en la nordo, la Rejno en la okcidento kaj la bavara limo en la oriento. Ĝiaj najbaraj federaciaj landoj estas Rejnlando-Palatinato, Hesio kaj Bavario, en la sudo najbaras la svisaj kantonoj Bazel-Urbo, Bazel-Lando, Argovio (Aargau), Schaffhausen (Elparolu: Ŝafhaǔsen), Turgovio (Thurgau) kaj Zuriko. Okcidente, trans la Rejno, situas Alzaco kaj Francio. Inter la germaniaj federaciaj landoj Baden-Virtembergo vicas en tria pozicio, koncerne kaj la nombron de loĝantaro (post Nordrejn-Vestfalio kaj Bavario) kaj la areon (post Bavario kaj Malsupra Saksio). Je la ekonomia sektoro Baden-Virtembergo vicas en la tria rango inter la germaniaj federaciaj landoj.

Gravaj urboj: Stuttgart, Mannheim, Karlsruhe, Baden-Baden, Freiburg, Heidelberg, Heilbronn, Pforzheim, Ulm, Reutlingen, Tübingen, Konstanz

[redaktu] Historio

Inter la jaroj 70 kaj 150 positiva tempo (p.t.) la Romianoj konkeris la plej grandan parton de la teritorio de la hodiaǔa Baden-Virtembergo. La Romianojn en 260 p.t. forpelis la Alemanoj. Ilin subigis la Franka Regno inter 496 kaj 746, rezulte de tio ekzistis sur la teritorio de la hodiaǔafederacia lando la duklandoj Frankio kaj Ŝvabio. La disfalo de ambaǔ duklandoj ĝis la 13-a jarcento rezultigis ekstreman teriorian dispecigon al centoj de etaj graflandoj, imperiapartenaj urboj, ekleziaj teritorioj aǔ eĉ unuopaj kavalirapartenaj vilaĝoj. La Mediatizo sekve de la Napoleonaj militoj lanĉis procezon, je kies fino ankoraǔ ekzistis nur tri teritorioj: Virtembergo, Badeno kaj Hohenzollern (Elparolu: Hohencolern); krome la urbo Wimpfen (Elparolu: Vimpfen) estis hesia eksklavo. En 1806 Napoleono Virtembergon faris reĝlando laj Badenon Grandduklando, sed nur ĝis 1918, kiam ambaǔ teritorioj farighis respublikaj federaciaj landoj ene de la Germana Imperio (Respubliko de Weimar, elparolu: Vajmar). Ekde 1933 la memstarajn federacilandajn registarojn anstataǔis naziaj (nacisocialistaj) “Gauleiter” (distriktestroj) kaj “Reichsstatthalter” (imperiaj guberniestroj).