Арганізацыя Паўночнаатлянтычнай дамовы
Зьвесткі зь Вікіпэдыі — вольнай энцыкляпэдыі.
Арганізацыя Паўночнаатлянтычнай дамовы (NATO, НАТО) (Па-ангельску: North Atlantic Treaty Organisation, па-француску l'Organisation du Traité de l'Atlantique Nord (OTAN)), таксама называная Паўночнаатлянтычны альянс - гэта міжнародная арганізацыя па калектыўнай бясьпецы, заснаваная ў 1949 годзе дзеля выкананьня Паўночнаатлянтычнай дамовы, падпісанай у Вашынгтоне 4 красавіка 1949 г. Штаб-кватэра арганізацыі знаходзіцца ў Брусэлі. Рабочыя мовы - ангельская і француская.
Зьмест |
[рэдагаваць] Мэты дзейнасьці
Мэты дзейнасьці Паўночнаатлянтычнага альянсу зацьверджаныя ў Артыкуле 5 Паўночнаатлянтычнай дамовы:
Удзельнікі пагаджаюцца з тым, што ўзброеная атака супраць аднаго ці некалькіх зь іх у Эўропе ці Паўночнай Амэрыцы будзе расцэнены як атака супраць іх усіх. Адпаведна, яны пагаджаюцца ў выпадку такой агрэсіі кожны выканаць свае абавязкі па забесьпячэньню калектыўнай бясьпекі, аказаць дапамогу атакаванаму ці атакаваным удзельнікам разам з астатнімі ўдзельнікамі празь неабходныя для гэтага меры ўключна з ваеннымі, з мэтаю падтрыманьня бясьпекі ў паўночнаатлянтычным рэгіёне.
Дамова не зьмяшчае зьвестак пра патэнцыйных ворагаў і канкрэтныя меры па калектыўнай абароне. Тым ня меней, першапачаткова альянс ствараўся для супрацьстаяньня дэмакратычных краінаў пагрозе з боку СССР і камуністычнага блёку. Паводле дамовы, напад на адну краіну-ўдзельніка арганізацыі расцэньваўся як агрэсія супраць усіх краінаў NATO. На шчасьце, упершыню гэтае палажэньне спрацавала толькі ў 2001 годзе пасьля падзеяў 11 верасьня.[1]
[рэдагаваць] Чальцы
- Краіны-заснавальнікі (4 красавіка 1949)
- Бэльгія
- Канада
- Данія
- Францыя (з 1993 удзельнічае толькі ў палітычнай структуры арганізацыі)
- Ісьляндыя
- Італія
- Люксэмбург
- Нідэрлянды
- Нарвэгія
- Партугалія
- Вялікая Брытанія
- Злучаныя Штаты Амэрыкі
Далучыліся пазьней:
- Грэцыя (18 лютага 1952)
- Турэччына (18 лютага 1952)
- Нямеччына (9 траўня 1955 як Заходняя Нямеччына; Саарлянд далучыўся да яе ў 1957 і землі было НДР - 3 кастрычніка 1990)
- Гішпанія (30 траўня 1982)
Былыя краіны Варшаўская дамовы, што далучыліся пасьля заканчэньня Халоднай вайны: 12 сакавіка 1999:
[рэдагаваць] Пашырэньне
Для пашырэньня складу NATO распрацаваны адмысловы мэханізм, паводле якога краіны-кандыдаты павінны штогод рабіць справаздачу аб прагрэсе, дасягнутым у наступных накірунках:
- Палітыка і эканоміка: Краіны павінны дэманстраваць імкненьне вырашаць міжнародныя, міжэтнічныя і тэрытарыяльныя канфлікты мірнымі сродкамі, з увагай да законнасьці і правоў чалавека.
- Абарона і войска: Краіна павінна быць здольнай рабіць адпаведны ўнёсак у забесьпячэньне калектыўнай бясьпекі і ўдзельнічаць у апэрацыях альянсу.
- Рэсурсы: Войска краіны-кандыдата павінна быць адпаведным чынам забясьпечанае матар'яльна.
- Бясьпека: Забесьпячэньне інфармацыйнай бясьпекі краіны-кандыдата.
- Законадаўства: Забесьпячэньне сумяшчальнасьці нацыянальнага законадаўства і сяброўства ў NATO.
NATO забясьпечвае кандыдатам адпаведную тэхнічную дапамогу ў выкананьні крытэраў сяброўства.[2]
На дадзены момант кандыдатамі на ўступ у NATO зьяўляюцца:
На самміце NATO, які мае адбыцца ў лістападзе 2006 г. у Рызе, плянуецца афіцыйна прыняць у склад кандыдатаў на ўступ наступныя краіны:
[рэдагаваць] Супрацоўніцтва зь іншымі краінамі
[рэдагаваць] Эўраатлянтычнае супрацоўніцтва
Для пашырэньня супрацоўніцтва паміж 26 краінамі Альянсу і 20 краінамі-партнэрамі былі распрацаваныя дзьве праграмы.
- Праграма Партнэрства дзеля міру была расправцаваная ў 1994 і базуецца на індывідуальных двухбаковых адносінах паміж краінай-партнэрам і NATO: кожная краіна можа абраць ступень свайго ўдзелу.[3]
- Праграма Рада Эўраатлянтычнага партнэрства была запушчаная 29 траўня 1997 г., і зьяўляецца форумам для рэгулярнай каардынацыі, кансультацый і дыялёгу паміж усімі 46 яе ўдзельнікамі. [4]
Краіны-партнэры NATO:
|
|
- Мальта была далучылася да "Партнэрства дзеля міру" ў 1994 г., але пакінула праграму ў 1996 г.
- Кіпр ня стаў удзельнікам "Партнэрства дзеля міру" з-за супрацьстаяньня Турэччыны па пытаньню Паўночнага Кіпру.
- Босьнія і Герцагавіна, Сэрбія і Чарнагорыя зьяўляюцца кандыдатамі на далучэньне да праграмы "Партнэрства дзеля міру". Іх далучэньне залежыць ад правядзеньня рэформаў у вайсковай і палітчынай сфэрах.
[рэдагаваць] Міжземнаморскі дыялёг
Міжземнаморскі дыялёг - гэта запушчаная ў 1994 г. праграма каапэрацыі паміж NATO і сям'ю краінамі Міжземнаморскага рэгіёну:[5]
[рэдагаваць] Структура
[рэдагаваць] Палітычная структура
Сыстэма прыняцьця рашэньняў і структура кіраваньня NATO вызначаная ў Паўночнаатлянтычнай дамове. Кожная краіна-ўдзельнік мае сваю дэлегацыю ў штаб-кватэры альянсу ў Брусэлі, Бэльгія. Дэлегацыя ўзначальваецца пастаянным прадстаўніком у статусе амбасадара.
Разам пастаянныя прадстаўнікі краінаў складаюць Паўночнаатлянтычную раду (North Atlantic Council), ворган, які зьбіраецца як мінімум адзін раз на тыдзень і прымае рашэньні па асноўнай дзейнасьці і функцыянаваньню NATO. Час ад часу Рада зьбіраецца з удзелам міністраў замежных справаў, абароны і прам'ер-міністраў для прыняцьця найбольш важных стратэгічных рашэньняў.
Старшынём на паседжаньнях Паўночнаатлянтычнай рады - генэральны сакратар NATO. Рашэньні прымаюцца на аснове кансэнсусу. Рашэньні не прымаюцца галасаваньнем ці большасьцю, усе краіны прадстаўленая ў аднолькавай ступені.
Другі па важнасьці чалец дэлегацыі ад краіны - вайсковы прадстаўнік, ў рангу старэйшага афіцэру нацыянальнага войска. Вайсковыя прадстаўнікі ўтвараюць Ваенны камітэт, які адказны за падрыхтоўку прапановаў і рэкамэндацый палітычнаму кіраўніцтву Альянсу адносна мерапрыемстваў датычна забесьпячэньня агульнай абароны. Камітэт ажыцьцяўляе кансультацыі стратэгічнага камандваньня NATO. Як і Паўночнаатлянтычная рада, Ваенны камітэт пэрыядычна сустракаецца на больш высокім узроўні, з удзелам кіраўнікоў генэральных штабоў краін-удзельнікаў Альянсу.
Таксама функцыянуе Парлямэнцкая асамблея NATO, якая складаецца з прадстаўнікоў парлямэнтаў краінаў-удзельнікаў.
[рэдагаваць] Вайсковая структура
Вайсковыя апэрацыі NATO кіруюцца двума стратэгічнымі камандэрамі, адказнымі перад Ваенным камітэтам за агульнае кіраваньне вайсковымі аспэктамі ў сфэры сваёй кампэтэнцыі.
Да 2003 году Стратэгічныя камандэры дзяліліся паводле геаграфічных рэгіёнаў (Эўропа і Амэрыка), аднак цяпер падзел ідзе паводле сфэраў дзейнасьці: Камандваньне трансфармацыямі (трансфармацыя і трэніяваньне войскаў) і Камандваньне апэрацыямі (вайсковыя апэрацыі NATO).
[рэдагаваць] Асобы на чале арганізацыі
# | Імя | Краіна | Тэрмін |
---|---|---|---|
1 | Генэрал Гастынґс Даянэл Ісмай | Вялікая Брытанія | 4 красавіка 1952 – 16 траўня 1957 |
2 | Поль-Анры Спаак | Бэльгія | 16 траўня 1957 – 21 красавіка 1961 |
3 | Дырк Стрыкер | Нідэрлянды | 21 красавіка 1961 – 1 жніўня 1964 |
4 | Мануілё Брозіё | італія | 1 жніўня 1964 – 1 кастрычніка 1971 |
5 | Ёзэф Люнс | Нідэрлянды | 1 кастрычніка 1971 – 25 чэрвеня 1984 |
6 | Пітэр Карынґтан | Вялікая Брытанія | 25 чэрвеня 1984 – 1 ліпеня 1988 |
7 | Манфрэд Вёрнэр | Нямеччына | 1 ліпеня 1988 – 13 жніўня 1994 |
8 | Сэрджыё Балянцына | Італія | 13 жніўня 1994 – 17 кастрычніка 1994 |
9 | Вілі Клэс | Бэльгія | 17 кастрычніка 1994 – 20 кастрычніка 1995 |
10 | Сэрджыё Балянцына | Італія | 20 кастрычніка 1995 – 5 сьнежня 1995 |
11 | Хаўер Саляна | Гішпанія | 5 сьнежня 1995 – 6 кастрычніка 1999 |
12 | Джордж Робэртсан | Вялікая Брытанія | 14 кастрычніка 1999 – 1 студзеня 2004 |
13 | Яап дэ Гоп Схэфэр | Нідэрлянды | 1 студзеня 2004 – с.д. |
# | Імя | Краіна | Тэрмін |
---|---|---|---|
1 | Сэрджыё Балянцына | Італія | 1994 – 2001 |
2 | Алесандра Мінута Рыца | Італія | 2001 – с.д. |
[рэдагаваць] Беларусь і NATO
Удзельнікамі NATO зьяўляецца большая частка суседзяў Беларусі - Польшча, Летува, Латвія. Украіна ў хуткім часе атрымае статус кандыдата на ўступленьне ў Альянс.
Беларусь зьяўляецца ўдзельнікам праграмы "Партнэрства дзеля міру". Тым ня меней, у рыторыцы афіцыйных беларускіх уладаў часта сустракаецца агулам варожыя выпады супраць Альянсу. На беларускіх вайсковых вучэньнях рэгулярна адпрацоўваецца сцэнар адбіцьця атакі з Захаду.
У Беларусі няма палітычных сілаў, якія бы актыўна агітавалі за далучэньне да Паўночнаатлянтычнага альянсу.
[рэдагаваць] Зьнешнія спасылкі
- Афіцыйная старонка
- Лукашенко: Беларусь не ищет и не будет искать конфронтации с НАТО
- Вступ до НАТО: 20 проти 6 на користь України
Арганізацыя Паўночнаатлянтычнай дамовы (NATO) | |
---|---|
Баўгарыя | Бэльгія | Вугоршчына | Вялікабрытанія | Гішпанія | Грэцыя | Данія | Злучаныя Штаты Амэрыкі | Ісьляндыя | Італія | Канада | Латвія | Летува | Люксэмбург | Нарвэгія | Нідэрлянды | Нямеччына | Партугалія | Польшча | Румынія | Славаччына | Славенія | Турэччына | Францыя | Чэхія | Эстонія Кандыдаты: Альбанія • Рэспубліка Македонія • Харватыя |