OTAN

Na Galipedia, a wikipedia en galego.

Bandeira da OTAN

Actuais membros da OTAN

Organización do Tratado do Atlántico Norte (en inglés North Atlantic Treaty Organization, NATO), asociación militar da que forman parte países de Europa e América. As súas funcións teñen cambiado dende a súa fundación: naceu como organización defensiva para conter ós países comunistas de Europa do leste, que se agruparon no chamado 'Pacto de Varsovia', e tras a caída do Muro de Berlín facilitouse a entrada a ditos países no tratado, de xeito que hoxe inclúe a maioría deles. No ano 1999 variouse o tratado para permitir outras misións diferentes da pura defensa. España entrou na OTAN nos 1986 cun estatuto que logo ampliou ata a participación actual.

Actualmente o seu obxectivo principal é salvagarda-la soberanía e liberdade dos países membros por medios tanto políticos como militares. No ámbito da defensa, o Tratado establece que unha agresión a un país membro ou grupo de países membros será considerada como unha agresión a tódolos asinantes. Outro obxectivo é potencia-la comunicación con países non membros para estende-la estabilidade alén das fronteiras da OTAN.

O órgano de decisións máis importante da OTAN é o Consello Norte-atlántico que xunta a representantes dos 26 países anualmente.

[editar] Vexa tamén

Texto do tratado orixinal en español (tradución non oficial)

Páxina oficial da organización