Fransän
From Wikipedia
|
République française |
|
|
|
|
|
Netahüm: La Marseillaise |
|
|
|
|
| Pük calöfik | Fransänapük |
| Cifazif | Paris |
| Reigasit | fedatat demokratik |
| Rel | romakatulans 60-90% |
| Sürfat – % vata |
41 285 km² 3,7% |
| Lödanef (täxet 2006) Lödanef (census ) – Densit: |
7 476 200 176/km² |
| völäd | (CHF) Schweizer Frank, franc suisse |
| timatopäd | UTC +1 e +2 |
| zäladel netik | gustul 1id |
| Vüresod | Kot ISO | Tel. | .ch | CHE | 41 |
Fransän (calöfiko: République française = Repüblik Fransänik) binon län Yuropik, kela cifadil topon in Yurop Vesüdik.
Fransän binon bäldikün tatas Yuropik valik, primo in topäd regik labü zän su nisul: Île-de-France. Cifazif onik binon el Paris. Liman Konsälalefa Yuropik, binon bal länas, kels efünons Fedi Yuropik, topädi ela euro e Spadi ela Schengen. Binon i bal limanas lul Sefakonsälalefa Tatas Pebalöl, e duton lü Fed länas latinik, lü Fed länas Fransänapükik (el Francophonie famik), e lü G-8 (Grup länas liegikün jöl).
Digs veütikün ä pelöfölüns Fransäna stabons su demokrat e gitäts menik.
Fransän binon liman ela NBNL (= Noganükam Baläda Nolüda-Latlanteanik, Linglänapüko: NATO). Ün 1966 älüvon noganükami militik pebalöl, ab ägegolon dilo ün 2002. Dalabon vafis taumik.
Konömavasit ona binon katädimik, ab tat flunon nepüliko lifi konömavik pos fin volakriga telid, kelos ädälon one ad fomön fiamis dustodik labülöl pladi vü grups bevünetik veütikün. Votikams mödik sökaleodik äkodons ye, das dü yels kildeg lätik tat Fransänik nevifiko efagükon oki de dins konömavik.
Kuliv Fransänik binon famik su vol valik. Fransän binon län hiela Descartes ä motedöp Tumyela Litas (el Siècle des Lumières), kel ekodon Levolutis Fransänik e Lamerikäniki. Lifalekan Fransänik palöfon valöpo, e daif kvisina Fransänik labon benorepüti bevünetik.
Fransänapük binon pük calöfik Republika Fransänik, ab kanoy tuvön pükis topik veldegvel su topäd ona.
