ბულგაკოვი, მიხაილ
ვიკიპედიიდან
მიხაილ ბულგაკოვი (რუს.: Михаил Афанасьевич Булгаков; 15 მაისი 1891 კიევი – 10 მარტი, 1940, მოსკოვი) რუსი მწერალი, რომანისტი და დრამატურგი. ავტორი რომანისა ოსტატი და მარგარიტა.
[რედაქტირება] ბიოგრაფია
დაიბადა ქალაქ კიევიში რუსი მშობლების ოჯახში (მამა – აფანასი ბულგაკოვი, კიევის სასულიერო აკადემიის დოცენტი; დედა – ვარვარა პროკოვსკაია). 1916 წელს დაამთავრა კიევის უნივერსიტეტის სამედიცინო ფაკულტეტი. რუსეთის სამოქალაქო ომის დროს იყო სამხედრო ექიმი. 1921 წლიდან დასახლდა მოსკოვში, სადაც დაიწყო აქტიური ლიტერატურული მოღვაწეობა.
ბულგაკოვი არასოდეს უჭერდა მხარს ბოლშევიკურ რევოლუციას. ბევრ თავის ლიტერატურულ ნაშრომში მძაფრი სატირის გამოყენებით დასცინოდა და აკრიტიკებდა არსებულ საბჭოთა რეჟიმს. ამიტომ საბჭოთა კავშირში 1930–იანი წლებიდან მისი ნაწარმოებების უმრავლესობა აიკრძალა, ან სულაც გამოუქვეყვებელი დარჩა ათწლეულების მანძილზე. ბულგაკოვი წლების მანძილზე უშედეგოდ ცდილობდა დაეტოვებინა საბჭოთა კავშირი.
1930–1936 წლებში მუშაობდა მოსკოვის სამხატრო აკადემიურ თეატრში რეჟისორის ასისტენტად. 1936 წლიდან დიდ თეატრში ლიბრეტისტად და თარჯიმნად.
გარდაიცვალა 1940 წელს თირკმელების დაავადებით.
1928 წელს ბულგაკოვი იმყოფებოდა საქართველოში. მოინახულა ქალაქები თბილისი და ბათუმი.
[რედაქტირება] ლიტერატურული მოღვაწეობა
ბულგაკოვის პირველი ლიტერატურული ნაწარმოებები თარიღდება ადრეული 20–იან წელებით. 1922 – 1924 წელებში დაწერა ნოველა "თეთრი გვარდია", რომლის საფუძველზე შეიქმნა პიესა "ტურბინების დღეები".. მოგვიანეით დაიწერა მოთხრობა ძაღლის გული (1925).
სიცოცხლის ბოლო წლებში მუშაობდა რომანზე ოსტატი და მარგარიტა.
 |
ეს დაუსრულებელი სტატიაა პიროვნების შესახებ. თქვენ შეგიძლიათ დაეხმაროთ ვიკიპედიას და შეავსოთ იგი. |
