Булгаков, Михаил Афанасьевич

Материал из Wikipedia.

Михаи́л Афана́сьевич Булга́ков – нимо-дано ӟуч писатель (прозаик, драматург). Вордскиз 1891-тӥ арын Киевын. Кулӥз 1940 аре Мускоын. Дышетскиз Киевысь университетлэн медицинской факультетаз, кӧня ке дыр ӵоже эмъясь луыса ужаз но. 1921 аре Москвае кошкиз. Гожъяз веросъёс, эссеос,повестьёс, пьесаос, романъёс.Солэн стилез – мистической, философско-фантастической, сатирической, иронической но лирической. Самой тодмо но бадӟым романэз – «Мастер но Маргарита». Солэн гожтэмъёсызъя Удмуртиысь театръёсын но спектакльёс пуктэмын вал: «Зойкалэн патерез» пьесаезъя пуктэм таӵе нимо ик спектакль Ижысь Короленко нимо кун драмая ӟуч театрын туж популярной луиз (премьера шудэмын 8 октябре 2004 аре, Зойкалэсь рользэ быдэстӥз Ольга Слободчикова, Аметистовлэсь рользэ – Иван Слободчиков). Озьы ик, Ижысь театралъёслы Булгаковлэн творчествоез Мускоысь лыктэм артистъёслэн шудэмзыя но тодмо: 11 апреле 2005 аре Ижын «Аксион» нимо культурая центрын «Мастер но Маргарита» нимо спектакльзэс возьматӥз «Театр на Юго-Западелэн» труппаез. Россиын туж тодмо луэ «Пуны сюлэм» повестьлэн экранизациез («Ленфильм», 1988, режиссёр Владимир Бортко, профессор Преображенскийлэн роляз – Евгений Евстигнеев). Удмурт кылэ Булгаковлэн произведениосыз берыктэмын öвöл на.