Grecia - Ελλάδα
Na Galipedia, a wikipedia en galego.
|
|||
Lema: Ελευθερία ή θάνατος (Grego: Liberdade ou morte) |
|||
Lingua oficial | Grego | ||
Capital | Atenas | ||
Presidente | Karolos Papoulias | ||
Primeiro ministro | Costas Caramanlis | ||
Área - Total |
94º maior 131,940 km² |
||
Poboación |
70º máis poboado 10,964,020 |
||
Independencia - Declarada |
do Imperio Otomano 25 de marzo de 1821 |
||
Moeda | Euro¹, moedas de euro gregas | ||
'Fuso horario' - no Verán |
EET (UTC+2) EEST (UTC+3) |
||
Himno nacional | Imnos pros tin Eleftherian | ||
TLD (Internet) | .GR | ||
Código telefónico | 30 | ||
(1) Antes de 2001: dracma |
Grecia (en grego: Ελλάδα) é o país máis meridional dos Balcáns e confina ao norte con Antiga República Iugoslava da Macedonia (ARIM) e Bulgaria, ao leste con Turquía, en fronteira terrestre, con fronteira marítima no Mar Exeo, ao sur co Mar Mediterráneo e ao oeste co Mar Xónico, através do cal ten ligazóns con Italia, e con Albania.
Índice |
[editar] Historia
A antiga Grecia tiña límites con Iliria e Macedonia ao norte, ao leste co Mar Exeo, ao oeste co Mar Xónico, e ao sur co Mar Mediterráneo. Tiña 77.000 Km². As súas montañas, co ceo case sempre azul e o seu clima suave facía de Grecia um dos máis marabillosos países do mundo antigo.
Foi nese pequeno país no que a primeira civilización europea comezou fai máis de dous mil anos. Naquel tempo, Grecia dominaba grandes áreas das marxes do Mediterráneo e do mar Negro. Actualmente, Grecia ten un poder reducido, sendo un dos países menos desenvolvidos da Europa. Atenas é a capital e maior cidade do país. En Atenas e noutras partes da Grecia, existen espléndidas ruínas que son monumentos do pasado glorioso da nación. Hai milleiros de anos, os gregos estabeleceran tradicións de xustiza e liberdade individual que son as bases da democracia. A súa arte, filosofía e ciencia tornáranse fundamentos do pensamento e da cultura occidentais. Os gregos da antiguidade chamabanse a si mesmos helenos (todos os que falaban grego, inda que non vivesen en Grecia), e daban o nome de Hélade á súa terra. Os que non falaban grego eran chamados bárbaros. Nunca chegaron a formar un goberno nacional, porén estaban unidos pola mesma cultura, relixión e lingua.
Ver tamén Grecia Clásica
[editar] Política
Desde 1975, coa adopción da nova Constitución, Grecia é unha democracia republicana parlamentaria. A monarquía foi rexeitada o 8 de decembro de 1974. Grecia obtivo a independencia en 1829, separándose do Imperio Otomano. A Constitución foi estabelecida o 1 de xuño de 1975.
O sistema legal baséase no código romano. Con cortes divididas en asuntos civís, administrativos e criminosos.
O voto é obrigatório e universal, sendo adquirido ese dereito aos dezoito anos. O poder executivo é rexido polo Xefe do Estado, que é elixido polo parlamento. Alén diso, existe aínda o Xefe do Goberno, elixido polo presidente e o Gabinete do Goberno, cuxos membros son tamén elixidos polo presidente, tendo en conta as recomendacións do primeiro ministro. O poder lexislativo é unicameral e o xudicial conta cunha Corte e un Tribunal Supremo.
[editar] Xeografía
Grecia consiste nun territorio continental na extremidade sur dos Balcáns, na península do Peloponeso, separada do continente polo canal de Corinto, e de numerosas illas, incluíndo Creta, Rodes, Eubeia e os arquipélagos do Dodecaneso e das Cíclades no Mar Exeo, e das Illas Xónicas no Mar Xónico. Grecia ten máis de 14.880 km de costas e unha fronteira terrestre de 1.160 km.
Perto do 80% da Grecia é territorio montañoso ou, polo menos, accidentado. A maior parte do país é terra seca e rochosa. Só o 28% da terra é arábel. A Grecia occidental contén lagos e zonas húmidas. O Pindo, a cadea montañosa central, ten unha elevación media de 2.650 m. O lexendario monte Olimpo é o punto máis alto de Grecia, atinxindo 2.917 m. por riba do nivel do mar.
O clima grego é semellante ao portugués, con invernos suaves e húmidos e veráns quentes e secos. As temperaturas só raramente atinxen valores extremos, aínda que ten nevado nas montañas e ata mesmo en Atenas, nalgúns invernos.
[editar] Nome
O nome histórico de Grecia en grego é Ἑλλάς,Elás. Deste nome tamén deriva "helénico", onde o "h" inicial vén da pronuncia no grego antigo cun son aspirado inicial (como o "h" en inglés). No grego moderno chámase comunmente Ελλάδα Elada /ɛˈlaða/. En moitas linguas europeas, o nome é (galego, español e italiano: Grecia, portugués: Grécia, inglés: Greece, francés: Grèce, alemán: Griechenland, ruso: Греция, etc.) provén dunha raíz distinta, Γραικός, Graikós que segundo Aristóteles era o antigo nome dos gregos. Por outra banda, o nome en varios países asiáticos (turco: Yunanistan, árabe: يونان, hebreo: יוון, persa antigo: Yaunâ, pali: Yona, malasio e indonesio: Yunani) deriva de Ἰωνία "ionía", a rexión de Xonia.
Unión Europea | |
Alemaña | Austria | Bélxica | Chequia | Chipre | Dinamarca | Eslovaquia | Eslovenia | España | Estonia | Finlandia | Francia | Grecia | Hungría | Irlanda | Italia | Letonia | Lituania | Luxemburgo | Malta | Países Baixos | Polonia | Portugal | Reino Unido | Suecia | |
Membros despois de 1 de xaneiro de 2007: | |
Bulgaria | Romanía | |
Países candidatos: | |
Croacia | Macedonia | Turquía |
Organización do Tratado do Atlántico Norte (OTAN) | |
---|---|
Alemaña | Bélxica | Bulgaria | Canadá | Chequia | Dinamarca | Eslovaquia | Eslovenia | España | Estados Unidos | Estonia | Francia | Grecia | Hungría | Islandia | Italia | Letonia | Lituania | Luxemburgo | Noruega | Países Baixos | Polonia | Portugal | Reino Unido | Romanía | Turquía |
Países do mundo | Europa |
Albania | Alemaña | Andorra | ARI Macedonia | Austria | Bielorrusia | Bélxica | Bosnia - Hercegovina | Bulgaria | Chequia | Chipre | Croacia | Dinamarca | Eslovaquia | Eslovenia | España | Estonia | Finlandia | Francia | Grecia | Hungría | Irlanda | Islandia | Italia | Letonia | Liechtenstein | Lituania | Luxemburgo | Malta | Moldova | Mónaco | Montenegro | Noruega | Países Baixos | Polonia | Portugal | Reino Unido | Romanía | San Mariño | Serbia | Suecia | Suíza | Ucraína | Cidade do Vaticano |
Países con parte do seu territorio en Europa |
Categorías: Países | Europa | Grecia