Szamotuły
El Vikipedio
Szamotuły (germane Samter) estas urbo en la vojevodio Grandpolio en Pollando. Ĝi havas proksimume 19.000 enloĝantojn kaj estas sidejo de samnoma distrikto (powiat Szamotulski). La urbo troviĝas 32 kilometrojn nodre de Poznań.
Enhavo |
[redaktu] Historio
La plej frua konata komunumo en la loko de la hodiaŭa urbokerno ekzistis ekde la 11-a jarcento. Ĝi detruiĝis dum la jaro 1306 kaj poste rekonstruiĝis sub la nomo Nowe Szamotuły. Dum la jaro 1420 la komunumo ekhavis urbajn privilegiojn.
Dum la jaro 1793 la urbo iĝis parto de la germana ŝtato Prusio. Inter 1818 kaj 1920 ĝi estis sidejo de la germana distrikto Landkreis Samter, kaj post la Kontrakto de Versailles iĝis parto de Pollando.
[redaktu] Vidindaĵoj
Inter la urbaj vidindaĵoj estas la preĝejo Matki Bożej Pocieszenia i św. Stanisława Biskupa, konstruita inter la jaroj 1423 kaj 1430 en gotika stilo. La konstruaĵoj de la eksa monaĥejo św. Krzyża (Sankta Kruco) konstruiĝis inter la jaroj 1675 kaj 1682 en baroka stilo.
[redaktu] Partneraj urboj
Szamotuły ekde la jaro 2000 havas kvar partnerajn urbojn en Eŭropo:
Groß-Gerau en Germanio,
Bruneck (Brunico) en Sudtirolo (Italio),
Tielt en Belgio kaj
Brignoles en suda Francio.
