Spánn

Úr Wikipediu, frjálsa alfræðiritinu

**Reino de España**

Fáni Spánar	Skjaldarmerki Spánar

Kjörorð ríkisins: Plus Ultra

Opinber tungumál	Spænska (kastillíska) (katalónska, baskneska og galisíska eru einnig opinber tungumál í sumum héruðum.)
Höfuðborg	Madrid
Konungur	Jóhann Karl I
Forsætisráðherra	Jose Luis Rodríguez Zapatero
Flatarmál - Samtals - % vatn	50. sæti 504.782 km² 1.04%
Fólksfjöldi - Samtals (2004) - Þéttleiki byggðar	29. sæti 43.197.684 85/km²
Gjaldmiðill	Evra (€)
Tímabelti	UTC+1 (UTC+2 á sumrin)
Þjóðsöngur	Marcha Real
Þjóðarlén	.es
Landsnúmer	34

Spánn er konungsríki á Íberíuskaga í Suðvestur-Evrópu. Lönd sem liggja að Spáni eru Portúgal að vestan og Frakkland að austan. Auk þess er örríkið Andorra í Pýreneafjöllum á landamærum Spánar og Frakklands. Syðst á Spáni er svo Gíbraltar, sem er lítið landsvæði undir yfirráðum Breta. Að norðan liggur Biskajaflói að Spáni, Atlantshafið að suðvestan og að sunnan er Gíbraltarsund og svo Miðjarðarhafið að suðaustan og austan. Syðsti oddi Spánar er jafnframt syðsti oddi meginlands Evrópu. Þar er smábær sem heitir Tarifa. Hann er á nákvæmlega 36°N. Hið opinbera heiti landsins er Reino de España. Spáni tilheyra Baleareyjar í Miðjarðarhafi (Majorka, Menorka og Íbísa), Kanaríeyjar í Atlantshafi og útlendurnar Ceuta og Melilla í Norður-Afríku. Landið er rúmlega 500.000 ferkílómetrar að flatarmáli, eða um það bil fimm sinnum stærra en Ísland. Á Spáni búa um 43 milljónir manna.

Stærstu borgir Spánar eru höfuðborgin, Madríd og Barselóna. Í Madríd búa um 5,5 milljónir manna og tæpar 5 í Barselóna. Spánn er fornfrægt menningarríki. Arabar og Berbar lögðu hluta af Spáni undir sig á miðöldum og voru þar kallaðir Márar. Miklar menningarminjar eru um dvöl þeirra á Spáni og er Alhambrahöllin líklega merkust þeirra. Barselóna þykir mjög athyglisverð fyrir nútímabyggingarlist og ber þar helst að nefna Antonio Gaudí, en byggingar hans eru víða í borginni.

Spánn var einræðisríki undir stjórn Franciscos Franco einræðisherra frá 1939 til 1975. Síðan er konungur Spánar Juan Carlos I frá 1975.