Spænska
Úr Wikipediu, frjálsa alfræðiritinu
| Spænska (español eða castellano) | |
|---|---|
| Talað hvar: | Spánn, Mexíkó, Kólumbía, Argentína auk fjölda annarra landa og svæða |
| Heimshluti: | Í hluta Evrópu, stærstum hluta Mið-Ameríku, á nokkrum svæðum í Norður-Ameríku, hluta Suður-Ameríku og í Karíbahafinu, auk innskotssvæða og á meðal innflytjenda í öllum heimsálfum |
| Fjöldi málhafa: | yfir 400 milljónir |
| Sæti: | 2-4 (breytilegt eftir áætlunum) |
| Ætt: | Indóevrópskt ítalískt |
| Opinber staða | |
| Opinbert tungumál: | Argentína, Bólivía, Chile, Dóminíska lýðveldið, Ekvador, El Salvador, Evrópusambandið, Gvatemala, Hondúras, Kosta Ríka, Kólumbía, Kúba, Mexíkó, Miðbaugs-Gínea, Níkaragva, Nýja Mexíkó (Bandaríkin), Panama, Paragvæ, Perú, Púertó Ríkó, Spánn, Úrúgvæ, Venesúela og Vestur-Sahara |
| Stýrt af: | Asociación de Academias de la Lengua Española |
| Tungumálakóðar | |
| ISO 639-1: | es |
| ISO 639-2: | spa |
| SIL: | SPN |
| Tungumál – Listi yfir tungumál | |
| Þessi grein gæti innihaldið hljóðfræðitákn úr alþjóðlega hljóðstafrófinu í Unicode. | |
Spænska eða kastilíska er indóevrópskt tungumál af ætt rómanskra tungumála. Málið á uppruna sinn í latínu. Það telst til undirflokksins íberórómönsk mál og er annað til fjórða mest talaða tungumál í heimi. Um það bil 352 miljónir tala spænsku sem móðurmál (fyrsta mál), en ef þeir eru taldir með sem hafa spænsku sem annað mál verða talendur 417 miljónir (upplýsingar frá 1999). Flestir spænskumælendur búa í Suður- og Norður-Ameríku auk Spánar.
[breyta] Spænska eða kastilíska
Spánverjar kalla tungumál sitt „español“ (spænska) til að aðgreina það frá öðrum þjóðatungum sem ensku eða frönsku. En til að aðgreina það frá öðrum tungumálum á Spáni er það kallað „castellano“ (kastilíska). Önnur mál töluð á Spáni eru galisíska, baskneska, katalónska og leónska, í Katalóníu og Baskalandi er venjulega talað um kastilísku þegar átt er við spænsku. Annars staðar í heiminum er málið ýmist kallað „español“ eða „castellano“, það fyrra mun algengara.
