Eistland

Úr Wikipediu, frjálsa alfræðiritinu

**Eesti Vabariik**

Eistneski fáninn	Skjaldarmerki Eistlands

Kjörorð ríkisins: Ekkert

Opinbert tungumál	Eistneska
Höfuðborg	Tallinn
Forseti	Toomas Hendrik Ilves
Forsætisráðherra	Andrus Ansip
Flatarmál - Heildar - Þar af vötn	129. sæti 45.226 km2 4,56%
Mannfjöldi - Heildar(2001) - á km²	150. sæti 1.408.556 31/km²
Gjaldmiðill	Eistnesk króna (Kroon)
Tímabelti	UTC+2
Þjóðsöngur	Mu isamaa, mu õnn ja rõõm
Þjóðarlén	.ee
Landsnúmer	372

Lýðveldið Eistland er land í Norður-Evrópu við Eystrasalt og Kirjálabotn. Það á landamæri að Rússlandi í austri og Lettlandi í suðri, það er eitt Eystrasaltslandanna, en hin eru Lettland og Litháen.

[breyta] Saga

Eistland hefur verið byggt finnsk-úgrískum þjóðflokkum síðan á forsögulegum tíma. Landið var kristnað af þýskum riddurum og dönum sem höfðu lagt það undir sig 1227. Erlend ríki sem stjórnað hafa Eistlandi í gegnum söguna eru Danmörk, Svíþjóð, Pólland og Rússland.

Eftir hrun Rússneska keisaradæmisins vegna Októberbyltingarinnar lýsti Eistland yfir sjálfstæði sínu þann 24. febrúar 1918. Landið var svo innlimað í Sovétríkin með valdi í júní 1940 og var það eitt af lýðveldum Sovétríkjanna til 20. ágúst 1991 er þau liðu undir lok og Eistland lýsti yfir sjálfstæði sínu á ný. Vegna þessa er 20. ágúst þjóðhátíðardagur Eistlands.

Rússneskur her var í landinu allt til 1994 en síðan þá hefur Eistland nýtt sér nýfengið frelsi til að mynda efnahagsleg og stjórnmálaleg tengsl við vestræn ríki. Eistland fékk ingöngu í Atlantshafsbandalagið og Evrópusambandið árið 2004.

[breyta] Stjórnmál

Eistland er stjórnarskrárbundið lýðræðisríki. Forseti þess er kosinn á 5 ára fresti af þinginu. Ríkisstjórnin er handhafi framkvæmdavaldsins og mynduð af forsætisráðherra og 14 öðrum ráðherrum sem forsetinn setur í embætti eftir að þingið hefur samþykkt þá.

Löggjafarvald liggur hjá þinginu sem starfar í einni deild og er kallað Riigikogu. Þingmenn eru 101 og er kjörtímabil þingsins 4 ár. Hæstiréttur landsins er handhafi dómsvalds og eru dómarar 17. Forseti hæstaréttar er valinn af þinginu og í kjölfarið skipaður af forseta ævilangt.