Warschau
From Wikipedia
Dat lett so, as wenn disse Artikel nich so akraat is as de ween schull. Kiek ok op de Diskussionssiet vun den Artikel.
Warschau (poolsch Warszawa) is de Hööftstadt vun Polen un een vun de politische un weertschopliche Zentren vun Middeleuropa. Warschau liggt an de Weichsel in de Woiwodschop (=Provinz) Masowien un hett 1,6 Millionen Inwahners (mit Agglomeratschoon bi 2,9 Millionen).
Inholtsverteken |
[Ännern] Historie
1241 warrt Warschau dat eerste Maal erwähnt. Vun 1596 an weer dat Hööftstadt vun dat Königriek Polen-Litauen, för dat dat zentraler legen weer as Krakau, wat bet dorhen Hööftstadt wesen is.
In'n dörtigjohrigen Orlog wörr Warschau vun de Sweden platt maakt. Achter de twete Updeelung vun Polen weer Warschau vun Preußen besett. In de napoleonische Tiet is Warschau Seet vun en Hertogdom mit de sülm Naam wesen, bevör dat 1815 Hööftstadt vun'n russ'schen Satellitenstaat Kongresspolen wörr.
In'n Eersten Weltorlog Besetzung dör düütsche Truppen, siet 1918 Hööftstadt vun dat wedder unafhängige Polen. Achter de Regeren vun Präsident Pilsudski sünd 1939 wedder düütsche Truppen inmorscheert (Tweet Weltorlog). In düsse Tiet sünd mindst 300.000 jüüdsche Börgers vun Warschau deporteert un ermordt worrn. 1943 un 1944 hebbt de Inwahners revolteert (dormang en Revolt vun de jüüdschen Börgers in'n Ghetto). In'n Verloop vun de tweete Revolt 1944, as sowjetsche Truppen op't annere Weichselöver tosehn hebbt, ahn intogriepen, wörr de Ole Stadt vun Warschau zerstört.
Achter den Tweten Weltorlog is de ole Stadt vun 1946 an in en as historisch beacht Meesterstück wedder opbaut worrn (Weltkulturarv vun de UNESCO).
[Ännern] Attrakschonen
Kathedrale St. Johann, Slott (1680-92), Sigismundssüül (1643/44, Landmark vun de Stadt), verschillige Paläste (Gninski-Palast, Lazienkipalast mit -park, Belvederepalast, Wilanowpalast). En anner dominant Bo in't Zentrum is dat vun de Sowjets opbaute „Kulturzentrum“ in'n Zuckerbäckerbaustil.
[Ännern] Administrative Indeelung
- Warszawa-Centrum
- Warszawa-Bialoleka
- Warszawa-Targowek
- Warszawa-Rembertow
- Warszawa-Wawer
- Warszawa-Wilanow
- Warszawa-Ursynow
- Warszawa-Wlochy
- Warszawa-Ursus
- Warszawa-Bemowo
- Warszawa-Bielany
