Aroemeens
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
't Aroemeens (Armaneashti) is 'n Oos-Roemaanse taol die gesproke weurt op de zuidelike Balkan, in geïsoleerde anclaves. De taol is hendeg verwant aon 't Roemeens en weurt ouch wel es dialek daovaan gezeen. 't Aroemeens oontstoont wie Roemene in de Middelieuwe de Donau euverstoke en ziech ieuwe laoter örgens aanders vestegde. De taol weurt allewijl nog door zoe 500.000 minse gesproke, veural in Griekeland en Albanië, wijers in Bölgarije, Macedonië en Servië. De taol kin in Latiens of Grieks sjrif gesjreve weure, dat hingk devaan aof boe de spreker woent.
