Roemeens

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.

't Roemeens is 'n Oos-Roemaanse taol die in Roemenië en Moldavië door de mierderheid vaan de bevolking gesproke weurt. Allewel in Moldavië meistal vaan "Moldavisch" gesproke weurt, geit 't hei dudelik um dezelfde taol. Wijers weure zuideliker op de Balkan nog dialekte gesproke die hiel kort bij 't Roemeens stoon; zuug ouch Aroemeens. Alles bijein zien 'rs oongeveer 28 miljoen minse mèt Roemeens es ierste taol.

[bewirk] Klaanklier, grammair en vocabulair

't Roemeens huurt, wie gezag, mèt 't Italiaans, tot de Oos-Roemaanse taolgroop, dat wèlt zègke tot 't miervajd de oetgange -i en -e gebroek, neet -os en -as. 't Roemeens kint versjeie diftonge, die oontstoon zien oet breking vaan lang monoftonge (ea, oa). De -i is de afgeloupe ieuwe vervalle.

't Roemeens is de einege Roemaanse taol die nog get vaan 't Latiense naomvellesysteem euvergehawwe heet: vruiwleke wäörd höbbe in 't inkelvajd ein vörm veur de nominatief/accusatief en ein veur de genitief/datief. De meiste Latiense oonzijege wäörd zien in 't Roemeens mennelik in 't inkelvajd en vruiwlik in 't miervajd; Roemeense grammatica's spreke dèks vaan ambigen (twieslechteg) veur neutru (oonzijeg). Wie 't Italiaans heet 't Roemeens drei vaan de veer conjugaties vaan verbe bewoerd.

't Vocabulair vaan 't Roemeens versjèlt vaan de aander Roemaanse taole umtot väöl Slavische wäörd drinzitte, die via de Slavische naobere, meh veural door 't Kèrkslavisch drin gekoume zie. Wijers heet 't ouch Törkse (oet d'n tied vaan de Törkse euverhiersing) en Griekse wäörd.