1. apríl

Úr Wikipediu, frjálsa alfræðiritinu

1. apríl er 91. dagur ársins (92. á hlaupári) samkvæmt gregoríska tímatalinu. 274 dagar eru eftir af árinu.

[breyta] Atburðir

• 1807 - Trampe stiftamtmaður setti reglugerð um brunavarnir í Reykjavík. Bannað var að reykja pípu innanhúss og nálægt eldfimum efnum.
• 1855 - Einokunarverslun Dana var aflögð og máttu Íslendingar eftir það versla við allar þjóðir.
• 1873 - Hilmar Finsen varð fyrsti landshöfðingi Íslands. Hann var áður stiftamtmaður en síðar borgarstjóri í Kaupmannahöfn.
• 1891 - Wrigley-fyrirtækið var stofnað í Chicago í Bandaríkjunum.
• 1896 - Álafoss hóf ullarvinnslu.
• 1924 - Adolf Hitler var dæmdur í fimm ára fangelsi fyrir þátttöku sína í valdaránstilraun í München árið 1923. Hann sat þó aðeins inni í níu mánuði.
• 1936 - Alþýðutryggingalög gengu í gildi á Íslandi.
• 1955 - Hátíðahöld til að minnast aldarafmælis frjálsrar verslunar á Íslandi.
• 1955 - Aprílgabb birtist í Tímanum um væntanlegan fund æðstu ráðamanna heims í Reykjavík. Slíkur fundur varð ekki á dagskrá fyrr en 31 og hálfu ári síðar, 10. október 1986.
• 1976 - Tölvufyrirtækið Apple var stofnað af Steve Jobs, Steve Wozniak og Mike Markkula
• 1984 - Marvin Gaye, söngvari, var skotinn til bana af föður sínum.
• 2001 - Slobodan Milošević, fyrrverandi forseti Júgóslavíu gaf sig fram við sérsveitir lögreglu.

[breyta] Fædd

• 1815 - Otto von Bismarck, stjórnmálamaður (d. 1898)
• 1873 - Sergei Rachmaninoff, tónskáld, píanóleikari og stjórnandi (d. 1943)
• 1920 - Toshirō Mifune, leikari (d. 1997)
• 1929 - Milan Kundera, rithöfundur
• 1932 - Debbie Reynolds, leikkona
• 1971 - Method Man, tónlistarmaður

[breyta] Dáin

• 1922 - Karl Austurríkiskeisari
• 1984 - Marvin Gaye, söngvari