Lingua portugese
De Wikipedia, le encyclopedia libere
Le portugese es un lingua romanic parlate in Portugal, Brasil e alcun paises african e asiatic.
Illo es un lingua indoeuropee de base greco-latin, con alcun elementos del lingua arabe, in consequentia de que le arabes durante longe tempore habitava le parte sud de Portugal, appellate Algarve.
Le portugese es parlate per un total de plus de 196.800.000 parlantes in le mundo, del quales plus de 10.000.000 habita in Europa.
| Paises | Population (milliones) |
% parlantes native |
Parlantes native |
|---|---|---|---|
| Angola | 13,5 | 60 | 8,1 |
| Brasil | 175,0 | 100 | 175,0 |
| Mozambique | 18,6 | 20 | 3,7 |
| Portugal | 10,0 | 100 | 10,0 |
| Total | 217,1 | 196,8 |
Ultra le quatro paises de lingua portugese supra mentionate, on debe anque adder illos ubi le portugese es usate como lingua official: Capo Verde, Guinea-Bissau, San Tome e Prince, e Timor Est. Statisticamente, comocunque, le numeros de iste paises es pauco expressive.
- In le insulas de Capo Verde, le population conta solmente 435 mille habitantes e le majoritate parla crioulo.
- In Guinea-Bissau, con un population de 1 million e 300 milles, solmente 2% parla portugese.
- In San Tome e Prince, le population conta solmente 140 milles.
- In Timor Est, con 750 milles, inter 15% e 20% parla portugese.
