Portugal

De Wikipedia, le encyclopedia libere

Republica Portugese

Motto national : Nulle

Lingua official

Lingua portugese

Capital

Lisbona

Presidente

Jorge Sampaio

Area
- Total
- % agua

Location no. 109
92,391 km²
0.5%

Population

- Total (2002)

- Densitate

Location no. 79

10,356,117

112/km²

Moneta

Euro (Escudo portugese usque 1999)

Fuso horari

UTC -1 a 0

Hymno national

A Portuguesa

Dominio Internet

.PT

Codice telephonic

351

Portugal es un stato de Europa sud-occidental que se extende sur le litoral atlantic del Peninsula iberic, confinante al N e al E con Espania.

[modificar] Historia

Articulo principal: Historia de Portugal

Vide tamben Prehistoria de Portugal.

Portugal nasceva in 1143 per mano de su prime rege Afonso Henriques e su confines esseva mantenite practicamente inalterate desde le seculo XIII usque a nostre dies, essente un del statos independente plus antique de Europa. Portugal esseva sempre ligate al mar. Tosto le pesca e le commercio de ultramar esseva activitates economic importante. Le interesse de Henrique le Navigator in le exploration, gratias alcun progressos technologic in le navigation, portava al expansion del territorio portugese e a grande developpamento in su cognoscentia geographic.

Post su apogeo como potentia del mundo durante le seculos XV e XVI, Portugal perdeva multe de su ricchessas e status con le destruction de Lisbona in le seismo de 1755, le occupation durante le guerras Napoleonic, e le perdita de su colonia plus importante le Brasil in 1822. Un revolution in 1910 deponeva le monarchia portugese, e comenciava un periodo de republicanismo chaotic (prime republica); in 1926 un colpo de stato militar nationaliste dava initio a un periodo de plus de cinque decade de governamentos fasciste repressive.

In 1974, un colpo militar pacific de sinistre le Revolution del caryophyllos, installava un governamento que institueva ample reformas democratic. Al anno sequente Portugal concedeva le independentia a su colonias in Africa: Mozambique, Angola, Guinea-Bissau, Capo Verde e San Tome e Prince) e perdeva su colonia de Timor Est in Asia per un invasion de Indonesia. Portugal entrava in le Union Europee in 1986, dum que le altere dependentia asiatic, Macao, esseva revertite al soveranitate de China in decembre de 1999.

[modificar] Governamento e Politica

Articulo principal: Governamento e politica de Portugal

In le annos que sequeva al colpo de 1974, Portugal abandonava rapidemente le institutiones non democratic usque stabilir se finalmente como democratia constitutional. Le quatro organos principal del politica portugese es le Presidentia, le Prime Ministro e le Consilio del Ministros , le Assemblea del Republica (le Parlamento), e le Judicatura.

Le presidente, electe a un termino de cinque annos per suffragio directe universal, tamben es commandante chef del fortias armate. Le poteres presidential include designar al Prime Ministro e al Consilio del Ministros, in le quales le presidente debe esser dirigite per le resultate del election del assemblea. Le Consilio del Stato, un organismo consultivo presidential, componite per sex officiales civil major, qualcunque presidente anterior electe desde 1976, cinque membros electe per le assemblea, e cinque selectionate per le presidente.

Le governamento es dirigite per le Prime Ministro, que nomina le Consilio de Ministros. Un nove governamento se require pro definir le schema general de su politica in un programma e pro presentar le al assemblea per un periodo obligatori de discussion. Le falta del assemblea de repeller le programma per un majoritate de deputatos confirma le governamento in carga.

Le Assemblea del Republica es un corpore unicameral integrate per un maxime de 230 deputate. Electe per suffragio universal secundo un systema de representation proportional, le deputate serve per 4 annos, a minus que le presidente dissolve le assemblea e convoca nove electiones.

Le Tribunal Supreme National es le corte de appello. Le cortes militar, administrative, e fiscal se signala como categorias separate del corte. Un Tribunal Constitutional de 9 membros repassa le constitutionalitate del legislation.

[modificar] Organisation politico-administrative

Articulo principal: Organisation político-administrative de Portugal

Portugal continental consiste de 18 districtos:

Aveiro
Beja
Braga
Bragança
Castelo Branco
Coimbra
Évora
Faro
Guarda
Leiria
Lisboa
Portalegre
Porto
Santarém
Setúbal
Viana do Castelo
Vila Real
Viseu

Ultra iste, il ha duo regiones autonome: Azores (Açores) e Madeira. Cata districto on subdivide in municipios.

[modificar] Geographia

Articulo principal: Geographia de Portugal

Vider le imagines de Commons super Portugal.

Portugal continental es dividite in duo per su fluvio principal, le Tago. Al nord le paisage es montaniose. Le puncto plus alto de Portugal es le Monte Pico in Azores con 2.351 m. Le sud in Algarve offere super toto le extense planas e le climate hic es plus calide e sic que in le nord, plus fresco e plus pluviose. Altere fluvios importante include le Douro, le Minho le Guadiana.

[modificar] Economia

Articulo principal: Economia de Portugal

Portugal se converteva in un economia diversificate e cata vice plus basate in servicios desde su ingresso in le Union Europee. In le ultime decade, le governamentos privatisava multe interprisas statal e liberalisava le areas dominante del economia, includente le sectores financiero e del telecommunicationes. Le pais se qualificava pro le Union Monetari Europee (EMU) in 1998 e comenciava a circular su nove moneta, le Euro, in 1 de januario de 2002, insimul a altere 11 economias membro del UE.

Le developpamento economic ha essite supra le media del UE durante bon parte del ultime decade, sed le PIB (Producto Interne Brute) per capite es de sol 75% de illo del economias principal del UE. Le governamento non poteva controlar su deficit crescente e avantiar le reformas structural necessari pro altiar le competition economic de Portugal. Un systema educative debile, particularmente, esseva un obstaculo pro major productivitate e crescimento. Portugal esseva substituite cata vice plus per le productores de basse costo in Europa Central e Asia como destino pro le inversion directe estranier.