Filosofía
De Biquipedia
A Filosofía ye, etimolochicamén, l'amor por o conoximiento, por a zenzia. A filosofía estudea a reyalidá, as causas y os prenzipios que sozchazen á la esistenzia y o pensamiento. Asobén se diz filosofía á o conchunto de treballos coleutibos d'os filosofos más importans; puede senificar a esplorazión academica d'a diferens custions rechiradas por os filosofos, y tamién puede usar-se ta referir-se á una traza de pensar, cretica y creyatiba.
En cheneral s'ha clasificau a filosofía seguntes o suyo ocheto d'estudeo: asinas parlamos d'a Epistemolochía (filosofía d'a zenzia), d'a Cosmolochía (a filosofía d'a naturaleza), de l'Antropolochía (la Filosofía de l'ombre) u d'a Etica (a filosofía d'o comportamiento umano). Manimenos, o que carauteriza á la filosofía respeuto a lo que se clama modernamén zenzia ye o feito que a filosofía rechira una esplicazion radical y zaguera d'o suyo ocheto d'estudio.
