Эсперанто

Сæрибар энциклопеди Википедийы æрмæг.

Эсперанто (Esperanto) у æрымыст æвзаг.

Эсперанто равзæрдис XIX æнусы, æрымысыди йæ Варшавæйы цæрæг цæстыты дохтыр Людвик Заменгоф. Пайда дзы кæнынц куыд нациты 'хсæн æвзагæй. Эсперанто тынг æнцон у ахуыр кæнынæн, уый тыххæй æмæ национ æвзæгтæй хъауджыдæр у адæймагæй конд æвзаг. Хуымæтæг адæймаджы эсперантойыл сдзурынæн 3-6 мæйæ фылдæр нæ бахъæудзæн.

Эсперанто рапарахат иc фыццаг чиныгæй, кæцы мыхуыргонд æрцыд уырыссагау 1887-æм азы. Нæ рæстæджы эсперантойыл дзурынц 120 бæстæйы цалдæр милуан адæймаджы.

Кæмæн ахсджиаг у эсперанто базонын:

бæлцæттæн, кæцытæ дард бæстæтæм цæугæйæ бынаттон æзвзæгтыл дзурынхъом не 'сты;
эсперанто-фысымты хызæй (Pasporta Servo) пайда чи кæны, уыцы бæлцæттæн;
алыхуызон цымыдисаг митыл чи архайы, аххæм адæмæн (радиоуарзджытæ, филателисттæ æмæ иннæтæ);
фæсарæйнаг специалисттимæ профессионалон бастдзинæдтæ кæй хъæуынц, уыдонæн;
интернационалон форумты (интернеты дæр) бацархайын кæй фæнды, уыдонæн;
æмæ алы цыргъзонд адæймагæн дæр.

Эсперанто у нейтралон æмæ æндæр æвзæгты бартæ нæ халы. Кæйдæр национ æвзаг зын у ахуыр кæнынæн, эсперанто та нæ. Кæй зæгъын æй хъæуы, дунейы адæмтæн эсперантойы раз æмхуызон уавæртæ ис.