Brahmaputra
From Wikipedia
 |
Cheest artícul al è scrivüü in koiné uçidentala, urtugrafía ünificada. |
Ul Brahmaputra l'è un fiümm de l'Asia del süüt, in del sübcuntineent indiaan; l'è lünch inturnu aj 2.900 km e al quata suta un basin de 670.000 km². L'è vün dii fiümm cunt la purtada d'acqua püssee granda al muunt (ca la pöö vèss anca de 150.000 m³/s, intant ca gh'è ul munsun). Ul sò nòmm, in sanscrit, al vöör dì bagaj de Brahma.
Al nass in Tibet cunt ul nòmm de Yarlung Tsangpo e al curr inver est per 1.700 km a un'altèzza media de 4.000 meter sura ul livèll del maar. Cumé ca ul fiümm al và föra dal Tibet, al sa sbassa de bòtt e in del staat de l'Arunachal Pradesh, dopu ca l'a ricevüü dü aflüeent impurtaant (Dibang e Lohit) al sa slarga un bel pu' (in d'un quaj tòcch al riva a vèss larch 10 km) e al töö ul nòmm de Brahmaputra.
Una völta c'al riva in Bangladesh al sa spartiss in dü broch: vüna la sügüta a nà inver süüt cunt ul nòmm de Jamuna e la sa trà deent in del Gange, un'oltra la mantegn ul nòmm de Brahmaputra e la cürva in direzziun südest. In tütt i modi i dü broch sa retruven un quaj chilometer dopu e sa tran deent insema in del Gulf del Bengala cunt un delta ca l'è ul püssee gross al muunt.
Ul fiümm, u mej la sò part bassa, l'è cunsiderada sacra daj Indu, anca se tütt i ann, al teemp del munsun, al vègn föra e ga inunda tütt ul sò teritòri.
| Grandi fiümm del muunt | |
|---|---|
| Amu Darja | Amur | Arkansas | Brahmaputra | Colorado | Congo | Danübi | Dnepr | Dnestr | Elba | Eüfraa | Gange | Huang He | Indu | Irrawaddy | Irtysh | Jenisej | Kolyma | Lena | Lòira | Mackenzie | Madeira | Mekong | Mississippi | Missouri | Murray-Darling | Niger | Nilu | Ob | Oder | Ohio | Orange | Orinoco | Paraguay | Paranà | Pechora | Red River | Renu | Riu dii Amazzun | Riu Graand | Riu Negher | Ròdan | Salween | San Lureenz | São Francisco | Sèna | Syr Darja | Snake River | Tago | Tigri | Tocantins | Ural | Uruguay | Vìstula | Volga | Yangtze | Yukon | Zambezi | | |
