Elba
From Wikipedia
 |
Cheest artícul al è scrivüü in koiné uçidentala, urtugrafía ünificada. |
L'Elba (Cech: Labe; Tudesch: Elbe; Pulacch: Laba; Suraab: Lobjo) a l'è un fiümm de l'Europa centraal; a l'è lünch 1.091 km e al quata suta un basin de circa 148.000 km². I sò surgeent a inn in dii Muntagn dii Gigaant, al cunfin nurdovest céch, a un altèzza de 1.400 m, da la cunflüenza dii dü tureent Bílé Labé e Malé Labé. Dopu la surgeent al va in direzziun süüt, pö dopu al gira inver òvest e ammò nurdovest; in dii chilometer ca vegnen dopu, al cjapa l'acqua de trì aflüeent: ul Jizera, la Muldava (Vltava) e l'Ohre.
Dopu passaa ul cunfin Céchia-Germania al cjapa una direzziun nurdovest, c'al tegnarà fin a la fin, al bagna Dresda e Meissen e pö al ga va deeent a la pianüra de la Germania setentriunaal; chì al bagna, in fila, i citaa de Torgau, Wittenberg, Dessau, Magdebüürg, Wittenberge, Ambüürg, Holstein primm de bütass deent in del Maar del Nòort tacaa a Cuxhaven. In de chel tocch chì al riceff i fiümm Mulde, Saale, Elster Negher, Havel, Elde. L'Elba l'è culegaa, cunt una reet de canaj navigabil, a i magjuur zòn prudütiff tudesch.
Quaand a gh'era ammò la Germania Urientaal, l'Elba al marcava per un tocch ul cunfin cunt la part òvest; quell lì l'è minga staa però l'ünich cunfin marcaa dal fiümm, vist che l'era anca ul limit urientaal de l'impeer de Carlu Magn.
| Grandi fiümm del muunt | |
|---|---|
| Amu Darja | Amur | Arkansas | Brahmaputra | Colorado | Congo | Danübi | Dnepr | Dnestr | Elba | Eüfraa | Gange | Huang He | Indu | Irrawaddy | Irtysh | Jenisej | Kolyma | Lena | Lòira | Mackenzie | Madeira | Mekong | Mississippi | Missouri | Murray-Darling | Niger | Nilu | Ob | Oder | Ohio | Orange | Orinoco | Paraguay | Paranà | Pechora | Red River | Renu | Riu dii Amazzun | Riu Graand | Riu Negher | Ròdan | Salween | San Lureenz | São Francisco | Sèna | Syr Darja | Snake River | Tago | Tigri | Tocantins | Ural | Uruguay | Vìstula | Volga | Yangtze | Yukon | Zambezi | | |
