Witte stork
Van Wikipedia
De witte stork (Ciconia ciconia) is 'ne vogel oet de femilie Storke dee in Nederland en 't Bèlsj vaan dees femilie 't algemeins is. Heer leef hei es zeumergas; in de winterperiode vertrèk heer nao Afrika. 't Is e groet slaank bies, mèt e wit lief en groetendeils zwarte vleugele. Heer nestelt gewuunlik hoeg en maak groete nèste. Heer leef veural vaan kwakkers en groete insekte; muis en hagedisse stoon ouch op zien diëet.
E kwart vaan de winterpopulatie leef in Pole. In Nederland waor 't bies hendeg stèrk in verval, tot ze nao besjèrmingsprogramma's in de jaore zeventeg wier in aontal touwnumme. Allewijl kinne ze op väöl plaotse in polders gezeen weure.
[bewirk] Storke in de volkscultuur
De witte stork is 't wapedier vaan D'n Haog en de nationale vogel vaan Denemark. Zienen Hollandse naom ooievaar beteikent gelökbringer; in 't bijgluif heet deze vogel 'n veurnaom functie es bringer vaan gelök en veurspood. Vaanajds weurt heer ouch mèt 't kriege vaan kinder geassocieerd; in decennia um 1900 woorte discussies euver de herkums vaan kinder tegeneuver kinder dèks aofgekap mèt "geer ziet door de stork gebrach". Noe nog is 'ne stork vaan hout in d'n hoof e teike vaan 'n gebuurde.
