Kwakkers

Van Wikipedia

Kwakker(t)s of Ranidae zien 'n femilie in de orde Kwakkers en króddele (Anura). Umtot de ander diere vaan die orde väöl op de diere oet dees liekene, sprèk me wel vaan Echte kwakkers. Dees femilie allein al nump 4800 saorte in beslaag; de mierderheid vaan al noe levende Anura.

Kwakkers zien klein bieste vaan tösse twie en daarteg centimeter. Ze höbbe verticaal pupille en 'ne gladde hoed. Väöl saorte kinne hunne kielzak hendeg groet opzette. De bieste zien veurnaomelik insectivoor.

Kwakkers lègke oongevier hoonderd eikes per paring, die 'ne klont vörme en kwakkergäöt geneump weure. De larf hèt donderköpske en heet, wie al amfibie-larve, 'ne vèsse-status, mèt keeuwe veur longe en 'ne start veur mèt te zwumme. Wienie die opgreuje verlere ze hun start en keeuwe en greuje pu en longe; wienie de start aofvèlt kinne ze ziech volwierdeg op 't land veurbewege. Nao de metamorfose greuje ze gemeinlik nog good door. Gemiddeld doorloupe oongevier twie eikes per lègksel die status; de ander larve weure daoveur al opgegete door veurnaomelik vèsse.

[bewirk] Taxonomie

KWAKKERS (Ranidae)

• Geslech Amolops
• Geslech Anhydrophryne
• Geslech Arthroleptella
• Geslech Arthroleptides
• Geslech Batrachylodes
• Geslech Cacosternum
• Geslech Ceratobatrachus
• Geslech Conraua
  • Goliatkwakker (Conraua goliath)
• Geslech Dendrobatorana
• Geslech Dimorphognathus
• Geslech Discodeles
• Geslech Elachyglossa
• Geslech Hildebrandtia
• Geslech Hoplobatrachus
• Geslech Meristogenys
  • Cascadekwakker (Meristogenys amoropalamus)
• Geslech Micrixalus
• Geslech Microbatrachella
• Geslech Nannophrys
• Geslech Nanorana
• Geslech Natalobatrachus
• Geslech Nothophryne
• Geslech Nyctibatrachus
• Geslech Occidozyga
• Geslech Palmatorappia
• Geslech Petropedetes
• Geslech Poolkwakkers (Phrynobatrachus)
• Geslech Phrynodon
• Geslech Platymantis
• Geslech Afrikaanse steerkwakkers (Pyxicephalus)
• Geslech Gewoen Kwakkers (Rana)
  • Broune kwakker (Rana temporaria)
  • Greune kikker (Rana ridibunda)
  • Heikikker (Rana arvalis)
  • Zuidelike liepeerdkwakker (Rana blairi)
  • Brölkwakker (Rana catesbeiana)
  • Italiaanse kwakker (Rana latastei)
  • Springkwakker (Rana dalmatina)
  • Stroumkwakker (Rana graeca)
  • Eetbare greune kwakker (Rana esculenta)
  • Kleine greune kwakker (Rana lessonae)
  • Moorkwakker (Rana palustris)
  • Iberische greune kwakker (Rana perezi)
  • Liepeerdkwakker (Rana pipiens)
  • Houtkwakker (Rana sylvatica)
• Geslech Staurois